கமல் ஹாசனின் மூத்த சகோதரர் பெரியவர் சாருஹாசனின் 90 ம் ஆண்டு பிறந்த தின விழா, ஹாசன் குடும்பத்தினரின் குடும்ப விழாவாக இன்று ஆள்வார்ப்பேட்டையில் உள்ள கமல்ஹாசனின் இல்லத்தில் கொண்டாடப்பட்டது.
இந்நிகழ்ச்சியில் கமல் ஹாசனின் குடும்பத்தாரும், உறவினர்களும்,நடிகர் ரஜினிகாந்தின் மனைவி லதாரஜினிகாந்த் மற்றும் நண்பர்களும் கலந்து கொண்டு சிறப்பித்தனர். சாருஹாசன், விஜய்ஸ்ரீ.ஜி இயக்கத்தில் கடந்த ஆண்டு வெளியான ‘தாதா87’ படத்தில் தாதா கெட்டப்பில் நடித்து இருந்தார். இந்நிலையில், விஜய்ஸ்ரீ ஜி, தனது அடுத்தபட அறிவிப்பை வெளியிட்டு ‘தாதா 90’ படத்தை சாருஹாசனை வைத்து இயக்கவிருப்பதாக அறிவித்துள்ளவர் இதன், போஸ்டரையும் தனது டிவிட்டர் பக்கத்தில் வெளியிட்டுள்ளார்.
மகாராஷ்டிரா இந்து தேசியத்துவக் கட்சியின் நிறுவனரும், தலைவருமான பால் தாக்கரே’கெட்டப்பில் சாருஹாசன் தோன்றும் இந்த போஸ்டரை வெளியிட்டுள்ளனர். விஜய்ஸ்ரீ ஜி தற்போது பப்ஜி படத்தினை இயக்கி வருவது குறிப்பிடத்தக்கது.
