5 ஆண்டுகளாக ஒரு பெண்ணை அடித்து உதைத்த புருசன் !சோக கதை யை கேளு தாய்க்குலம்!

எந்த பெண்தான் தினமும் அடி  உதை  மிதி என வாழ்வாள்? புருஷன் ஆசைப்படும்போது மட்டும் அவனுடன் படுத்து சுகம் கொடுக்க வேண்டும்.,அதிலாவது  அவளுக்கு இன்பம் கிடைத்திருக்குமா? விறகுக்கட்டையாய் கிடக்கிறவளுக்கு என்ன சுகம் கிடைத்திருக்கப் போகிறது?

பிறகேன் அடுத்தவனை நம்பி ஓட மாட்டாள்! அவள் உயிர் வாழ்ந்தாக வேண்டும். அடுத்தவன் “கல்யாணம் பண்ணிக்கலாம்” என்று சொன்னபோது அதற்கும் மறுத்திருக்கிறாள் அந்த புண்ணியவதி.

ஓடியவர்களை தேடிப்பிடித்த ஊர்க்காரர்கள் ஆசை வார்த்தை சொல்லியிருக்கிறார்கள்.

“இனிமேல் அப்படி நடக்காமல் பார்த்துக்கொள்கிறோம் ” என்று வாக்குறுதி கொடுத்திருக்கிறார்கள்.

நம்பி ஒரு நாள் நள்ளிரவு சொந்த ஊருக்கு திரும்பிய அவர்கள் வண்டியில் இருந்து இறங்கியதுமே ஆரம்பமாகி இருக்கிறது அர்த்த சாம பூஜை.

ஒரு கிழவி அந்தப்பெண்ணின் கையைப்பிடித்து இழுத்து தரையில் வீசி இருக்கிறாள். கட்டியிருந்த சேலையை உருவி ,அணிந்திருந்த ஜாக்கெட்டை கிழித்து எறிந்து விட்டாள் . இன்னொரு கிழவி அந்தப்பெண்ணின் தலையில் ஒரு முடி கூட இல்லாமல் மொட்டை அடித்து விட்டாள் .நாடு இரவு என்றும் பாராமல் குளிர்ந்த தண்ணீரை குடம் குடமாக அவள் மீது கொ ட்டியிருக்கிறார்கள்.

அழைத்து சென்றிருந்தவனுக்கும்  அடி,உதை !

இருவர்க்கும் உணவு தண்ணீர் கொடுக்கவில்லை.

ஊருக்கு ஊர் கிராம சபை என்று இருக்குமே ,அது கூடி விசாரித்தது.

“அந்த பெண்ணை ஊரை விட்டே ஒதுக்க வேண்டும் .ஊருக்குள் வரக்கூடாது .அவளை யாரும் கல்யாணம் செய்யக்கூடாது. “என்று முடிவு செய்து விரட்டி விட்டனர். அந்த பெண்ணின் தாத்தா நியாயம் கேட்டதற்கு 40 ஆயிரம் ரூபாயை கொடுத்து அனுப்பி விட்டார்கள். 

நமது ராமராஜ்ய போலீஸ் வழக்குப்பதிவு செய்து 38 குற்றவாளிகளில் 13 பேரை மட்டும் கைது செய்திருக்கிறது.

வாழ்க பாரத மணித்திருநாடு!