“தி கிங் மேக்கர்” ஆர் எம் வீரப்பன் குறித்த ஆவணப்படம்

திராவிட இயக்கங்களின் தலைவர்களான பெரியார் மற்றும் அண்ணா ஆகியோருடன் நெருங்கி பழகியவர் ஆர்.எம். வீரப்பன். திரைப்படத் தயாரிப்பாளராகவும் இருந்த ஆர்.எம். வீரப்பன், திமுகவில் இருந்து எம்.ஜி.ஆர். பிரிந்தபோது அதிமுகவில் இணைந்தார்.முன்னாள் முதல்வர்கள் எம்.ஜி.ஆர். மற்றும் ஜெயலலிதாவின் அமைச்சரவையில் 5 முறை அமைச்சராக பதவி வகித்தவர்  ஆர்.எம். வீரப்பன்.மூன்று முறை சட்டப்பேரவை மேலவை உறுப்பினராகவும், இரண்டு முறை சட்டப்பேரவை உறுப்பினராகவும் பதவி வகித்துள்ளார் .தமிழ் திரைத்துறையில் எம்.ஜி.ஆர் நடிப்பில் தெய்வத்தாய், காவல்காரன், நான் ஆணையிட்டால், ரிக்ஷாகாரன், இதயக்கனி  மற்றும் ரஜினி நடிப்பில் மூன்றுமுகம், பாட்ஷா உள்ளிட்ட பல   படங்களை தயாரித்துள்ளார்  அவரைப்பற்றி இன்றைய இளைய தலைமுறையினர் மற்றும் வருங்கால சந்ததியினர் முழுமையாக தெரிந்து கொள்ளும் வகையில்,ஒரு ஆவணப்படம் உருவாகவுள்ளது.
சத்யா மூவிஸ் தங்கராஜ்   தயாரிக்கவுள்ள இந்த  ஆவணப்படத்திற்கு வாழ்த்து தெரிவித்த இளையராஜா தானும் இப்படத்தில் பங்கேற்பதாக உறுதியளித்துள்ளார். இப்படம் குறித்த மற்ற தகவல்கள் விரைவில் அதிகாரப்பூர்வமாக அறிவிக்கப்படும்.