மதுரை மாவட்டம் சமயநல்லூருக்கு அருகேயுள்ள பரவை கிராமத்தை சேர்ந்தவர் முனியம்மா.(வயது 83) நாட்டுப்புற பாடல்கள் பாடுவதில் வல்லவரான இவர் விக்ரம், ஜோதிகா நடிப்பில் உருவான தூள் படத்தில், ஜோதிகாவின் பாட்டியாக நடித்தும்.அப்படத்தில் இடம்பெற்ற சிங்கம் போல நடந்துவந்தான் செல்ல பேராண்டி என்ற பாடலை பாடி பிரபலமானார்.தொடர்ந்து சண்டை, காதல் சடுகுடு உள்ளிட்ட 50க்கும் மேற்பட்ட தமிழ் படங்களில் இவர் நடித்துள்ளார். . இவருக்கு தமிழக அரசு இவருக்கு கலைமாமணி பட்டம் வழங்கி கவுரவித்துள்ளது.இந்நிலையில்,கடந்தசில மாதங்களாக சிறுநீரக கோளாறு காரணமாக சிகிச்சை பெற்று வந்த இவர்,கடும் வறுமையிலும், மருத்துவ சிகிச்சைக்கு பணம் இல்லாமல் தவிப்பதாகவும் செய்திகள் வெளியாகிய நிலையில், தமிழக அரசு மற்றும் நடிகர் சங்கம் சார்பில் உதவித்தொகையும் வழங்கப்பட்டது.இந்நிலையில், இன்று (29ம் தேதி) அதிகாலை 2 மணியளவில் அவர் மரணமடைந்தார். அவரது மறைவுக்கு திரைத்துறையினர் பலரும் இரங்கல் தெரிவித்து வருகின்றனர்.இன்று மாலை அவரது இறுதிச்சடங்குகள் நடக்கும் என்று உறவினர்கள் தெரிவித்துள்ளனர்.
பரவை முனியம்மா காலமானார்!
