தமிழ்த்திரையுலகில், ‘இம்சை அரசன் 23-ம் புலிகேசி’, ‘அறை எண் 305-ல் கடவுள்’, ‘இரும்புக்கோட்டை முரட்டு சிங்கம்’ ‘புலி’, ‘கசட தபற’, ‘போட்’ உள்ளிட்ட படங்களைத் தொடர்ந்து இயக்குநர் சிம்புதேவன், ‘ஜுமாஞ்சி’ பாணியில் இயக்கியுள்ள புதிய படத்துக்கு ‘நவோரியா’ என்ற வித்தியாசமான தலைப்பிடப்பட்டுள்ளது.. நடிகர் விமல் கதாநாயகனாக நடித்துள்ள இப்படத்தின் பர்ஸ்ட் லுக் போஸ்டரை இயக்குனர்கள் வெங்கட் பிரபு மற்றும் ஏ.ஆர். முருகதாஸ் இணைந்து வெளியிட்டுள்ளனர். வழக்கம்போல வித்தியாசமான தலைப்புடன் களமிறங்கியுள்ள சிம்புதேவனின் ‘நவோரியா’ ஹாலிவுட்டில் வெளியாகிப் பெரும் வரவேற்பைப் பெற்ற விளையாட்டை மையமாகக் கொண்ட சாகசத் திரைப்படமான ‘ஜுமாஞ்சி’ பாணியில், அதன் இந்திய வடிவமாக ‘நவோரியா’ உருவாகியுள்ளதாகத் திரைத்துறை வட்டாரங்களில் தகவல்கள் வெளியாகியுள்ளன. இப்படம் வரும் டிசம்பர் 18-ல் வெளியாக உள்ளதாக தகவல்கள் வெளியாகியுள்ளது












