பூதங்கள் பட வரிசையில் வந்திருக்கிற புதிய படம் ‘மை டியர் பூதம்.’
ஒரு காலத்தில் ‘மை டியர் குட்டிச்சாத்தான்’ என்கிற படம் பெரியவர்களும் சிறுவர்களுமாக கலந்து கட்டி விளையாடி காசுகளை அள்ளியது.
அதற்கு பிறகு வந்ததெல்லாம் கழுதைக்காது பூதங்கள்தான்.!
சரி இந்த பூதம் எப்படி ,பொழுது போகுமா ,பசங்களை கூட்டிட்டு போலாமா ?
கதையை பாருய்யா முதல்ல !
ரம்யா நம்பீசனின் மகன் அஸ்வந்த் .சுட்டிப்பய .மழலை கலந்த பேச்சே மனசை கவ்வும் ,அவ்வளவு அழகு.! ஆனா திக்குவாய் .
இவன் கிட்ட (பிரபுதேவா) பூதம் மாட்டிக்கிச்சா ,இல்ல அந்த பையன் மாட்டிக்கிட்டானா ?
கதையை எழுதி இயக்குநர் என்.ராகவனிடம் கொடுத்திட்டார் கதாசிரியர் என்.ராகவன். மஞ்சப்பை ஆளு.
மொத்தப்படத்தையும் மாஸ்டர் அஸ்வந்த் சுருட்டி வச்சுக்கிட்டான்.பெரிய நடிகர்கள் மாதிரி நடிச்சிருக்கான்யா !திக்குவாய் சிக்கலினால் ஏற்படுகிற பிரச்னையை வெகு ஈசியாக நடிச்சு காட்றான் .கேலியுடன் பார்க்கிற சமூகத்தை மனவலியோடு எதிர்கொள்கிற அந்த சிறுவனின் முகம் மனசில பதியிது.மனச சில இடங்களில் கலங்க வச்சிட்டான்.
திக்குவாய்க்கு மருத்துவமே கிடையாது என்கிற செய்தியை அழுத்தமாக பதிவு செய்ததற்காக ராகவனுக்கு நன்றி.!
பூதமாக நடிப்பதற்காக மொட்டை போட்டு நடிச்சிருக்கிறார் பிரபுதேவா. ஒரு டான்ஸ் சூப்பர். அதில் இமானின் இசையும் சேர்ந்து கொள்கிறது. அனுபவசாலி .ரசிச்சு நடிச்சிருக்கிறார் .
அம்மா ரேஞ்சுக்கு வந்தாச்சு ரம்யா நம்பீசன். இனி டூயட்டெல்லாம் பாடுனா ரசிகன் அடிப்பான். பாசக்கார அம்மா.
டீச்சராக சம்யுக்தா. கிடைச்ச கேப்ல என்ன முடியுமோ அதை செய்திருக்கிறார்.
மோசக்கார டாக்டராக சுரேஷ் மேனன் ,கடைக்காரராக இமான் அண்ணாச்சி .ஓகே ரகம்.
மாஸ்டர் அஸ்வந்துக்கு அடுத்து படத்தின் சித்து வேலைகளுக்கு ஒளிப்பதிவாளர் செந்தில் குமார் உதவியாக இருந்திருக்கிறார்.மாயா ஜால வேலைகளுக்கென தனி கேமரா கண்ணிலேயே வச்சிருக்கிறார் போலும்.சூப்பர் !
சரிய்யா படத்தைப்பார்க்கலாமா ?
இம்பிட்டு சொல்லிருக்கேன்ல ,புரியலையா ?
