காதல், நகைச்சுவை, மனதைத் தொடும் உணர்வுகள் என அனைத்து அம்சங்களையும் கொண்ட மனதுக்கு இதமான காதல் கதைகள், தலைமுறைகளைக் கடந்தும் ரசிகர்களுக்கு விருப்பமான படங்களாக உள்ளன. அந்த வகையில், இன்று அக்டோபர் 23ஆம் தேதி திரையரங்குகளில் வெளியாகியுள்ள ‘ஹைக்கூ’ திரைப்படத்திற்கு, ஆரம்பகட்டப் பிரத்யேகக் காட்சிகளிலேயே கிடைத்து வரும் நேர்மறையான வரவேற்பு, படத்தின் தயாரிப்பாளர்களான டாக்டர் டி. அருளானந்து மற்றும் மேத்யூ அருளானந்து ஆகியோருக்கு மிகுந்த மகிழ்ச்சி அளித்துள்ளது.
ஏற்கெனவே ‘ஜோ’ போன்ற பிளாக்பஸ்டர் வெற்றிப் படத்தையும், விமர்சன ரீதியாகப் பாராட்டுகளைப் பெற்ற ‘கோழிப்பண்ணை செல்லதுரை’ திரைப்படத்தையும் தயாரித்துள்ள இவர்கள், ‘ஹைக்கூ’ படத்தின் ஆரம்பகட்ட வரவேற்பால் உற்சாகமடைந்துள்ளனர். முதலில் திட்டமிடப்பட்டிருந்த திரையரங்குகளின் எண்ணிக்கையை விட, ரசிகர்களிடமிருந்து கிடைத்த நேர்மறையான கருத்துகளும் அதிகரித்த வரவேற்பும் காரணமாக, தென்னிந்தியா முழுவதும் 450க்கும் மேற்பட்ட திரைகளில் இப்படம் வெளியாகிறது.
இதுகுறித்து தயாரிப்பாளர்கள் பகிர்ந்து கொண்டதாவது, “மனதுக்கு இதமான ஒரு காதல் கதையை ரசிகர்களிடம் கொண்டு சேர்ப்பது எப்போதுமே எங்களுக்கு ஸ்பெஷல். ‘ஹைக்கூ’ திரைப்படத்தின் ஆரம்பகட்டப் பிரத்யேகக் காட்சிகளுக்குக் கிடைத்துள்ள நேர்மறையான வரவேற்பு எங்களுக்கு மிகுந்த மகிழ்ச்சியை அளிக்கிறது.
இப்படத்தை அர்ப்பணிப்புடன் உருவாக்கிய இயக்குநர் யுவராஜ் சின்னசாமி, நடிகர்கள், தொழில்நுட்பக் கலைஞர்கள் மற்றும் படக்குழுவினர் அனைவருக்கும் எங்களது மனமார்ந்த நன்றியைத் தெரிவித்துக் கொள்கிறோம்.
மேலும், தமிழகத்தில் இப்படத்தை வெளியிடுவதற்கு ஆதரவளித்த பி. சக்திவேலன் மற்றும் சக்தி ஃபிலிம் ஃபேக்டரி நிறுவனத்திற்கும் எங்களது நன்றியைத் தெரிவித்துக் கொள்கிறோம்.
‘ஜெயிலர் 2’ திரைப்படத்தின் திரையரங்கத் தாக்கம் தொடர்ந்து கொண்டிருக்கும் இந்தச் சூழலில், தமிழ் சினிமாவில் தயாரிப்பாளராக இருப்பது மகிழ்ச்சியளிக்கிறது. பல்வேறு வகையான திரைப்படங்களையும் ரசிகர்கள் வரவேற்கும் ஆரோக்கியமான திரையரங்கச் சூழல் நிலவுவதைப் பார்ப்பது உற்சாகம் அளிக்கிறது.
திரைப்படங்களின் இந்தப் பன்முகத்தன்மை தமிழ் திரையுலகிற்கு ஊக்கமளிப்பதாக உள்ளது. ‘ஹைக்கூ’ திரைப்படமும் ரசிகர்களின் மனதில் தனக்கென ஒரு சிறப்பான இடத்தைப் பிடிக்கும் என்று நம்புகிறோம்” என்றார்.
யுவராஜ் சின்னசாமி எழுதி இயக்கியிருக்கும் இப்படத்தில் ஏகன், ஸ்ரீதேவி மற்றும் ஃபெமினா ஜார்ஜ் ஆகியோர் முன்னணி கதாபாத்திரங்களில் நடித்துள்ளனர். இவர்களுடன் அதிர்ச்சி அருண், சுப்பிரமணிய சேது, அதியமான், மைம் கோபி மற்றும் இந்துமதி மணிகண்டன் உள்ளிட்ட பலரும் முக்கியக் கதாபாத்திரங்களில் நடித்துள்ளனர்.
விஷன் சினிமா ஹவுஸ் நிறுவனத்தின் சார்பில் டாக்டர் டி. அருளானந்து மற்றும் மேத்யூ அருளானந்து ஆகியோர் இப்படத்தைத் தயாரித்துள்ளனர். சித்து குமார் இசையமைத்துள்ள இப்படத்திற்கு பிரியேஷ் குருசாமி ஒளிப்பதிவு செய்துள்ளார். சக்தி பிரணீஷ் பி படத்தொகுப்புப் பணிகளை மேற்கொண்டுள்ளார். ஹரிஹரன் ராம் கூடுதல் திரைக்கதையில் பங்களித்துள்ளார். தமிழக வெளியீட்டுப் பணிகளை சக்தி ஃபிலிம் ஃபேக்டரியின் பி. சக்திவேலன் மேற்கொண்டுள்ளார்.
