அஜித்குமார் நடிப்பில், ஆதிக் ரவிச்சந்திரன் இயக்கத்தில் கடந்த 2025ஆம் ஆண்டு வெளியான ’குட் பேட் அக்லி’ ரசிகர்கள் மத்தியில் நல்ல வரவேற்பை பெற்ற அவரது அடுத்தப் படமான ‘டேர் டெவில்’ படத்தையும் ஆதிக் ரவிசந்திரனே இயக்கவுள்ளார். இந்த படத்திற்கு அனிருத் இசையமைக்கிறார். அஜித்தின் மனைவி ஷாலினியின்’பிரேவ்ஹார்ட்ஸ் புரொடக்ஷன்ஸ்’நிறுவனம் இப்படத்தை தயாரிக்கிறது.
வரும் நவம்பர் மாதம் தொடங்க உள்ள இப்படம் குறித்து இயக்குநர் ஆதிக் ரவிச்சந்திரன் கூறியுள்ளதாவது,’டேர் டெவில்’ படதலைப்பு ரசிகர்கள் மத்தியில் பரபரப்பாக பேசப்பட்டு வருவதற்கு,காரணமே அஜித் தான். எனது முந்தைய படமான ’குட் பேட் அக்லி’ தலைப்பு அவர் கூறியது தான். ‘டேர் டெவில்’ பட தலைப்பும் அவர் தான் கூறினார். சினிமாவில் ‘டேர் டெவில்’ என்றால் அது அஜித்குமார் தான். அந்த தலைப்பு இவரை தவிர வேறு யாருக்கும் பொருத்தமாக இருக்க முடியாது. இந்த படத்தில் ஸ்ரீலீலா, பிரபு, பார்த்திபன், சுனில் உள்ளிட்ட பலர் நடிக்கின்றனர். மேலும் படத்தில் சர்ப்ரைஸ் கதாபாத்திரங்கள் உள்ளது.
இப்படத்தின் படப்பிடிப்பை ஷாலினி,அஜித் இருவரும் சென்னையிலேயே நடத்த விரும்பினர். ஆனால், சென்னையில் இருக்கும் சூழ்நிலையில், படப்பிடிப்பு நடத்த முடியாது என நான் கூறினேன். அதன்பிறகு ஐதராபாத் ராமோஜி ஃபிலிம் சிட்டியில் இந்தியாவில் படமாக்க வேண்டிய காட்சிகளை எடுக்கலாம் என முடிவு செய்துள்ளோம். அதன்படி, தீபாவளியை கொண்டாடிவிட்டு, நவம்பர் 12ஆம் தேதி காலை 8 மணிக்கு முதல் காட்சி எடுக்க திட்டமிடப்பட்டுள்ளோம்.ஐதராபாத்தை தொடர்ந்து இப்படத்தின் படப்பிடிப்பு தொடர்ந்து மலேசியா, பாங்காக் ஆகிய நாடுகளில் படப்பிடிப்பு நடத்தப்படுகிறது” இவ்வாறு அவர் கூறியுள்ளார் .
