விமர்சன ரீதியாகவும் வணிக ரீதியாகவும் மிகப்பெரிய திருப்புமுனையை ஏற்படுத்திய ‘பலாகம்’ திரைப்படத்தின் இயக்குநர் வேணு எல்தண்டி இயக்கத்தில், பிரபல முன்னணி தயாரிப்பாளர் தில் ராஜு வழங்க, சிரிஷ் தயாரிப்பில் உருவாகி வரும் புதிய பான்-இந்தியத் திரைப்படம் ‘எல்லம்மா’. முன்னணி இசையமைப்பாளரான ‘ராக்ஸ்டார்’ தேவி ஸ்ரீ பிரசாத் முதன்முறையாக இத்திரைப்படத்தின் மூலம் கதாநாயகனாக அவதாரம் எடுத்துள்ளது, ஆரம்பம் முதலே ஒட்டுமொத்தத் திரைத்துறையினர் மற்றும் ரசிகர்கள் மத்தியில் மாபெரும் எதிர்பார்ப்பை ஏற்படுத்தி உள்ளது.
இத்திரைப்படத்தின் மீதான எதிர்பார்ப்பை மேலும் அதிகரிக்கும் வகையில், இப்படத்தின் பிரதான டைட்டில் பாடலுக்காக (Title Track) இந்தியாவின் பல்வேறு மாநிலங்கள் மற்றும் பாரம்பரியக் கலாச்சாரங்களைப் பிரதிநிதித்துவப்படுத்தும் சுமார் 100 முன்னணி நாட்டுப்புற இசைக் கலைஞர்களைத் (Folk Artists) திரட்டி, அவர்களுடன் இணைந்து ராக்ஸ்டார் தேவி ஸ்ரீ பிரசாத் இப்பாடலின் பிரம்மாண்டப் பதிவை (Song Recording) வெற்றிகரமாக நிறைவு செய்துள்ளார். பல்வேறு பாரம்பரிய இசைக்கருவிகளின் அசல் ஒலியோடு மிக பிரம்மாண்டமாகத் தயாராகியுள்ள இப்பாடலின் லிரிக்கல் வீடியோ மற்றும் டீசர் ஆகியவை விரைவில் அதிகாரப்பூர்வமாக வெளியாகவுள்ளன. இப்பாடல் தற்போதைய நவீன இசை ரசிகர்களிடையே மிகப்பெரிய வரவேற்பைப் பெற்று புதிய சாதனை படைக்கும் எனப் படக்குழுவினர் நம்பிக்கை தெரிவித்துள்ளனர்.
ஸ்ரீ வெங்கடேஸ்வரா கிரியேஷன்ஸ் (Sri Venkateswara Creations) நிறுவனத்தின் சார்பில் மிக பிரம்மாண்டமான பொருட்செலவில் பான்-இந்தியத் திரைப்படமாகத் தயாராகி வரும் இத்திரைப்படம் தெலுங்கு, தமிழ், இந்தி, மலையாளம் மற்றும் கன்னடம் ஆகிய ஐந்து முக்கிய இந்திய மொழிகளில் வரும் 2027-ஆம் ஆண்டு மார்ச் 5 ஆம் தேதி உலகம் முழுவதும் உள்ள திரையரங்குகளில் மிக பிரம்மாண்டமாக வெளியாகவுள்ளது எனத் தயாரிப்புத் தரப்பில் அதிகாரப்பூர்வமாக அறிவிக்கப்பட்டுள்ளது. இப்படத்தின் அடுத்தகட்ட படப்பிடிப்பு விபரங்கள் மற்றும் கதாநாயகி உள்ளிட்ட இதர தொழில்நுட்பக் கலைஞர்களின் விபரங்கள் அடங்கிய முக்கிய அறிவிப்புகள் அடுத்தடுத்த வாரங்களில் வெளியாகும் என எதிர்பார்க்கப்படுகிறது.
