ஃ பர்ஸ்ட் லுக் னு சொல்றாய்ங்களே அதில் என்ன சிறப்புன்னு பார்த்தால் ,இதுதாங்க சிறப்பு!
என்ன சிறப்பு?
‘தி வாரியர் ‘என்கிற படத்தின் முதல் நோட்டீசில் நடிகை கீர்த்தி ஷெட்டி ‘ஹெல்மெட்’ போடாமல் ஸ்கூட்டர் ஓட்டுவது மாதிரி வித்தியாசமாக காணப்படுகிறார். இது இன்றைய காதலர் தின ஸ்பெஷல் .!
காதலர் தின கொண்டாட்டத்தை முன்னிட்டு, இயக்குநர் லிங்குசாமி இயக்கத்தில், நடிகர் ராம் பொத்தினேனி நடிக்கும் “தி வாரியர்” படத்தில், கீர்த்தி ஷெட்டி தோற்றத்தின் ஃபர்ஸ்ட் லுக் இதுதான்.!
இந்த போஸ்டரில் கீர்த்தி ஷெட்டி, சர்ட் & ஜீன்ஸுடன் ஸ்கூட்டர் ஓட்டிக்கொண்டிருக்கிறார். கீழே கீர்த்தி ஷெட்டி இப்படத்தில் தோன்றும் கதாப்பாத்திரத்தின் பெயரான விசில் மஹாலட்சுமி எனும் பெயர் குறிப்பிடப்பட்டுள்ளது.
முன்னதாக வெளியான ராம் பொத்தினேனி உடைய தோற்றத்தின் ஃபர்ஸ்ட் லுக், மற்றும் டைட்டில் லுக் போன்றே இந்த ஃபர்ஸ்ட் லுக்கும், ரசிகர்களிடம் நேர்மறை அதிர்வை பரப்புவதாக அமைந்துள்ளது.
திரையரங்குகளில் படம் வெளியாகும் போது ரசிகர்களுக்கு கோலாகலமான ஆக்சன் விருந்து காத்திருப்பது உறுதியாகியுள்ளது.
சீனிவாசா சில்வர் ஸ்க்ரீன் பேனர் சார்பில் சீனிவாசா சித்தூரி பிரமாண்ட பட்ஜெட்டில் தயாரிக்க, பவன் குமார் இப்படத்தை வழங்குகிறார்.
இப்படத்தில் ஆதி பினிஷெட்டி இதுவரை பார்த்திராத வித்தியாசமான வில்லன் வேடத்தில் நடிக்கிறார். அக்ஷரா கௌடா மிக சுவாரஸ்யமான, முக்கியமான பாத்திரத்தில் நடிக்கிறார். இசையமைப்பாளர் தேவி ஶ்ரீ பிரசாத் இப்படத்திற்கு இசையமைக்கிறார்.
