காருக்குள்….இப்படியொரு பெயரில் ஒரு படம் உண்மைச் சம்பவத்தை தழுவி எடுக்கப்பட்டிருக்கிறது.நான்கு மொழிகளில்.! In Car..!
சாலையோரமாக நின்று கொண்டிருந்த ஒரு பெண்ணை மூவர் காரில் கடத்திச் செல்கிறார்கள்.,துப்பாக்கி முனையில்.!
அந்தப்பெண் கதறுகிறாள் ட்ரெய்லரில் !
“என்னை எப்படி வேணும்னாலும் ,எத்தனை தடவை வேணும்னாலும் காருக்குள்ளேயே பண்ணிக்கோ “
அப்படியானால் பாலியல் வன்முறையில் அவளுக்கு விருப்பம்தானா?
படத்தின் இயக்குநர் சொல்கிறார் “சூழ்நிலை அப்படி !படம் பாருங்கள் தெரியும்”
நமக்கோ கேரளத்து நடிகை பாவனா காரில் கடத்தி செல்லப்பட்டது ஞாபகத்துக்கு வந்தது. இந்த வழக்கு இன்னும் முடிவடையவில்லை. 2017 -ல் தொடரப்பட்ட வழக்கு .
இன் கார் படத்தில் முக்கிய வேடத்தில் நடித்திருப்பவர் ரித்திகா சிங். நிஜத்தில் இவர் பாக்ஸர்.குத்துச்சண்டை வீராங்கனை.! ஹர்ஷ வர்தன் என்பவர் இயக்கி இருக்கிறார். இந்தியில் எடுக்கப்பட்ட இந்தப் படம் தமிழ்,தெலுங்கு மலையாளம் ,கன்னடம் என திராவிட மொழி பேசுகிறது.
“டெல்லியில் நடந்த உண்மைச் சம்பவம் தான் இந்த கதை “என்கிற இயக்குநர் “2018 ல் படமாக்கப்பட்டு 2019-ல் முடிந்தது “என்கிறார்.
ஹரியானாவில் படமாக்கியிருக்கிறார்கள்.
முக்கிய வேடத்தில் நடித்துள்ள ரித்திகா சிங் “இம்மாதிரியான பாலியல் வன்முறை நிஜமாகவே நடந்தால் எதற்காகவும் வெயிட் பண்ண மாட்டேன். சுய பாதுகாப்பு. உடனடியாக தண்டித்து விடுவேன்.நானே தீர்ப்பு எழுதிவிடுவேன்” என்கிறார்.
இந்தப்படத்தை ஞானவேல்ராஜா வெளியிடுகிறார்.
