அதுல் இந்தியா மூவிஸ் பட நிறுவனம் சார்பில் அதுல் எம் போசாமியா தயாரித்து வரும் புதிய படம்,’பிபி 180′.இதில்,இதில் தான்யா ரவிச்சந்திரன் கதையின் நாயகியாக நடிக்க, டேனியல் பாலாஜி வில்லனாக நடிக்கிறார்.
இவர்களுடன் பாக்கியராஜ், இயக்குனர் தமிழ், அருள் தாஸ் ஆகியோர் முக்கிய கதாபாத்திரங்களில் நடித்து வருகின்றனர் இப்படம் குறித்து இயக்குனர் ஜே பி கூறுகையில் ஒரு ஏஞ்சலுக்கும் டேவிலிக்கும் நடக்கும் சண்டை என சொல்லலாம்.
அதாவது, தான்யா ரவிச்சந்திரன் ஒரு நேர்மையான மருத்துவ அதிகாரி, காசிமேடு தாதா டேனியல் பாலாஜி . கதைப்படி இந்த இரண்டு கதாபாத்திரங்களுக்கும் இடையேயான மோதல் தான் கதையே. இவர்களுக்கிடையேயான மோதலுக்கு என்ன காரணம்? மோதலின் முடிவில் என்ன நடக்கிறது என்பதை தான் ஆரம்பம் முதல் கடைசி வரை விறுவிறுப்பாக சொல்லியுள்ளோம்.
இந்த இரண்டு கேரக்டர்களும் கடைசி வரை சந்தித்துக் கொள்ளவே மாட்டார்கள் ஆனால் இவர்களுக்கிடையே மோதல் முழுவதும் படம் முழுவதும் குமுறும் எரிமலை மாதிரி இருக்கும். எப்போ வெடிக்கும் என்ற எதிர்பார்ப்பு இருந்து கொண்டே இருக்கும் .
நான் சித்திரம் பேசுதடி படத்திலிருந்து இயக்குனர் மிஸ்கின் இடம் உதவியாக பணியாற்றி வருகிறேன் கடந்த மே மாதம் இப்படத்தின் கதையை இயக்குனர் மிஷினிடம் சொன்னபோது மிகவும் நன்றாக இருப்பதாக பாராட்டினார்
அவர் இந்த படத்தில் முக்கிய கதாபாத்திரத்தில் நடிப்பதாக இருந்தது ஆனால் அவர் படம் இயக்குவதிலும் நடிப்பதிலும் மிகவும் பிஸியாக இருந்ததால் அவரால் இப்படத்தில் நடிக்க முடியவில்லை
அதேபோல் தான்யா ரவிச்சந்திரன் கதாபாத்திரத்திற்கு முதலில் ஒரு பிரபல முன்னணி நடிகை நடிப்பதாக இருந்தது ஆனால் அவர் அடுத்த வருடம் மார்ச் மாதம் வரை பொறுத்து இருக்குமாறு கூறியதால் எங்களால் அவரை இப்படத்தில் நடிக்க வைக்க முடியவில்லை.
இதன் கதைக்களம் சென்னையில் நடப்பதாக அமைக்கப்பட்டுள்ளது. இதன் படப்பிடிப்பு சென்னை, பாண்டிசேரி ஆகிய இடங்களில் மொத்தம் 31 நாட்களில் நடத்தி முடிக்க திட்டமிட்டுள்ளோம்.
ஜிப்ரான் இசையமைத்து வரும் இப்படத்தில் ஒரே ஒரு பாடல் உள்ளது.’வாளமீன்’ பாடலைப்போன்றே இப்பாடலையும் கானா உலகநாதன் பாடி நடிக்கிறார். பாடல் காட்சியில் பிரபல நடிகை ஒருவர் இடம் பெற உள்ளார்.
இதற்காக தற்போது அவருடன் பேச்சுவார்த்தை நடந்து வருகிறது என்கிறார். இப்படத்தின் ஒளிப்பதிவை ராமலிங்கம் கவனிக்கிறார்.













