இயக்குநர் பாரதிராஜாவின் மகன் நடிகர் இயக்குனர் மனோஜ் பாரதிராஜா (வயது 48.) இன்று மாலை திடீர் மாரடைப்பு காரணமாக உயிரிழந்தார். சில மாதங்களுக்கு முன்னர் அவருக்கு இதய அறுவை சிகிச்சை நடந்ததாகவும் தகவல்கள் வெளியாகியுள்ளது. மனோஜ் பாரதிராஜாமரணம் திரையுலகினரை பெரும் அதிர்ச்சியில் ஆழ்த்தியுள்ளது.
பாரதிராஜா இயக்கிய `தாஜ் மஹால்’ படத்தின் மூலம் நடிகராக அறிமுகமானவர் மனோஜ் பாரதிராஜா. அப்படத்திற்குப் பிறகு `தொடர்ந்து மனோஜ் “சமுத்திரம், கடல் பூக்கள், ஈரநிலம், அன்னகொடி, ஈஸ்வரன், மாநாடு, விருமன்” உள்ளிட்ட பல படங்களில் நடித்துள்ளார். இயக்குநர் மணி ரத்னத்திடம் `பாம்பே’ திரைப்படத்தில் உதவி இயக்குநராக பணிபுரிந்திருக்கிறார். கடந்த 2023-ம் வெளியான மார்கழி திங்கள் என்ற படத்தையும் மனோஜ் இயக்கியுள்ளார். கடந்த சில மாதங்களுக்கு முன்பு,இதயம் தொடர்பான பிரச்னைக்கு மனோஜ் அறுவை சிகிச்சை செய்து கொண்டதாக கூறப்படும் நிலையில் , இன்று மாலை திடீரென்று மாரடைப்பு ஏற்பட்ட நிலையில் மனோஜ் உயிரிழந்துள்ளார். தென்னிந்திய திரையுலக பிரபலங்கள் மற்றும் ரசிகர்கள் மனோஜ் பாரதிராஜா மறைவுக்கு அஞ்சலி செலுத்தி வருகின்றனர்.
மனோஜ் பாரதிராஜா 1976ஆம் ஆண்டு செப்டம்பர் 11ஆம் தேதி தேனி மாவட்டம் கம்பத்தில் பிறந்தவர். இவருக்கு மதிவதனி மற்றும் ஆர்த்திகா என இரு மகள்கள் உள்ளனர்.
.மனோஜ் அமெரிக்காவில் நாடகக் கலை படிப்பு முடித்தவர். 2006ல் நீண்ட நாள் தோழியான நடிகை நந்தனாவை திருமணம் செய்து கொண்டார். சாதுர்யன் என்ற படத்தில் இருவரும் ஒன்றாக நடித்திருந்தனர். நந்தனா கேரளாவை சேர்ந்தவர் என்பதால் திருமணம் கோழிக்கோடில் நடைபெற்றது.
கடைசியாக கார்த்தியின் விருமன் படத்தில் முத்துக்குட்டி படத்தில் நடித்திருந்தார்.
பாரதிராஜாவின் நெருங்கிய நண்பரான இசையமைப்பாளர் இளையராஜா வீடியோ மூலம் தனது இரங்கலை தெரிவித்துள்ளார். கடந்த ஆண்டு தனது மகள் பவதாரிணியை இளையராஜா இழந்தது பெரும் அதிர்ச்சியை ஏற்படுத்திய நிலையில், பாரதிராஜாவின் மகன் மரணமும் அவரை தற்போது வாட்டி எடுத்துள்ளதாக குறிப்பிட்டுள்ளார்.
https://twitter.com/i/status/1904565610761392470













