தமிழ் சினிமாவில் நாயகியாக நடித்து வந்தவர் ஜீவிதா. இவர் இவர் தெலுங்கு நடிகர் டாக்டர் ராஜசேகரை காதலித்து திருமணம் செய்து கொண்டார். பின்னர் இவர் தனது கணவருடன் இணைந்து தெலுங்கு படங்களை தயாரித்து வந்தார்.
இந்தநிலையில் டாக்டர் ராஜசேகர் கதாநாயகனாக நடித்த ‘எவனட தே நாகேண்டி’ (எவனா இருந்தா எனக்கென்ன) என்ற படத்தை தயாரிப்பாளர் சேகர் ரெட்டி தயாரித்தார். இந்த படத்தின் வினியோக உரிமையை நடிகை ஜீவிதா பெற்றுக்கொண்டார்.
இதற்காக ரூ.23 லட்சத்து 75 ஆயிரத்துக்கு 7 காசோலைகளை (செக்) சேகர் ரெட்டிக்கு ஜீவிதா கொடுத்தார். ஆனால் இதில் ரூ.2 லட்சத்துக்கு வழங்கப்பட்ட ஒரு காசோலையை தவிர மற்றவை வங்கி கணக்கில் பணம் இல்லை என்று திரும்பி வந்து விட்டது. இதனால் தனக்கு சேர வேண்டிய பணத்தை கொடுக்குமாறு ஜீவிதாவிடம், சேகர் ரெட்டி பலமுறை கேட்டு வந்தார். ஆனால் அவர் கொடுக்கவில்லை என தெரிகிறது.
