அமலாபாலின் அதிரடி வேடங்கள் பல நடிகைகளை அதிர வைத்திருக்கின்றன. “என்ன இந்த பொண்ணு இப்படி பயமுறுத்துறாளே,விட்டா தூக்கி அடிச்சாலும் அடிச்சிருவா போலிருக்கே “என அஞ்சியவர்களும் இருக்கிறார்கள்.
அவரின் அண்மைக்கால திரைப்படங்களின் ஃபர்ஸ்ட்லுக் போஸ்டர்கள், படம் எந்த மாதிரி இருக்கும் என ரசிகர்களின் ஆர்வத்தை தூண்டும் வகையில் அமைந்திருந்தன. தற்போது இந்த லிஸ்டில் ஒரு புதிய படமும் இணைந்திருக்கிறது.
இது அவருடைய புதிய முயற்சி மட்டுமல்ல, இந்திய சினிமாவில் முதல் முயற்சியும் கூட.
அபிலாஷ் பிள்ளை கதை எழுத, அனூப் பணிக்கர் இயக்கும் இந்த நாயகியை மையப்படுத்திய படத்தில் தடய அறுவை சிகிச்சை நிபுணராக அமலா பால் நடிக்கிறார்.
இந்திய சினிமாவில் ஒருநடிகை தடயவியல் நிபுணராக இடம்பெறும் முதல் தடயவியல் புலனாய்வு திரில்லர் படம் இது தான்.
ஒரு மர்மமான வழக்கை தீர்க்க, அவர் கையாளும் தனித்துவமான வழிமுறைகளை சுற்றி நடக்கும் கதை.
