சில நாட்களாக உலகநாயகன் கமல்ஹாசன் சூப்பர் ஸ்டார் ரஜினிகாந்த் இருவரும் இணைகிற படத்தை ராஜ்கமல் இன்டர்நேஷனல் தயாரிக்கப் போகிறது. கைதி பட புகழ் லோகேஷ் கனகராஜ் இயக்குகிறார் என்பதாக செய்திகள் வெளியாகின.
இதை இரண்டு சூப்பர் நடிகர்களும் மறுக்கவில்லை.மவுனம் காத்தார்கள். ஒன்று மில்லாத செய்திக்கு எதற்கு மறுப்பு தெரிவிக்க வேண்டும் என்று நினைத்தார்களோ என்னவோ!
தற்போது கமல் தரப்பில் சொன்னதாக ஒரு செய்தி சுற்றில் இருக்கிறது. இதுவும் அதிகார பூர்வமாக சொல்லப்பட்டதாக இல்லை. ஆனால் அந்த செய்தியில் உண்மை இருக்கிறது.
“இது இப்போதைக்கு சாத்தியமில்லை. இரண்டு பேரும் நடிப்பதாக இருந்தால் மிகப்பெரிய பட்ஜெட் தேவைப்படும். அடுத்து இருவருக்கும் சமமான கேரக்டர்களாக இருக்கவேண்டும். பொருத்தமான கதை வேண்டும்.இதெல்லாம் சாத்தியப்படும் என்பது எங்களுக்குத் தெரியவில்லை” என கமல் தரப்பில் சொன்னதாக சொல்லுகிறார்கள்.
