நடிகரும், இசையமைப்பாளருமான ஜீ வி பிரகாஷ் முதல்முறையாக , நடிகர் நெப்போலியனுடன் இணைந்து ஹாலிவுட்டில் ட்ராப் சிட்டி என்ற படத்தில் நடித்துள்ளார்.
இவர்களுடன்,டிராபிக் தண்டர் (Tropic Thunder), பர்சி ஜாக்சன்(Percy Jackson) மற்றும் பிக் மாமா ஹவுஸ் (Big Momma House) போன்ற பிரபலமான ஆங்கில படங்களில் நடித்துள்ள பிராண்டன் டி ஜாக்சனும் (Brandon T Jackson) கிலிப்டன்(Clifton) மற்றும் எரிகா பின்கெட்டும் (Erica Pinket) இப்படத்தில் நடித்துள்ளனர்.
இப்படத்தை கைபா பிலிம்ஸ், நாசிக் ராவ் மீடியாமற்றும் கிங்டம் ஓவர் ஏவரிதிங் (Kingdom Over Everything – KOE) என மூன்று சிறந்த நிறுவனங்கள் இணைந்து தயாரித்துள்ளன.ரிக்கி பிர்செல் இப்படத்தை எழுதி இயக்கியுள்ளார்.
ஏழ்மையில் வாடும் ஒரு ராப் (Rap) பாடகனின் கதைதான் ட்ராப் சிட்டி. இந்த பாடகன், வறுமையின் காரணமாக ஒரு போதைப்பொருள் கும்பலின் தலைவனிடம் வேலைக்கு சேர்கிறான். வேலைக்கு சேர்ந்தபின் , அவன் எழுதிய ஒரு பாடல் உலகெங்கும் பிரபலமாகிறது. ஆனால், துரதிஸ்டவசமாக, அவன் பாடல் பிரபலமாகும் போது அவன் கைது செய்யப்படுகிறான்.
அவன் குற்றத்தின் நிமித்தம் அவன் புகழும் பரவுகிறது. இப்படி இருக்க, அவனை கொல்ல ஒரு முயற்சி நடக்கிறது. அதன்பின் அந்த பாடகன் என்ன செய்கிறான் என்பதுதான் கதை.
இந்த சுவாரசியமான கதை அமெரிக்காவில் உள்ள நேஷவில் (Nashville) என்னுமிடத்தில் படமாக்கப்பட்டிருக்கிறது.
