அறிவியல் புனைகதை அதாவது சயின்ஸ் பிக்ஸன் என்றால்தான் என்னருமை தமிழனுக்கு புரியும்.அத்தகைய புனைகதைகளை புத்தகங்களில் படிப்பதுதான் பழக்கம்..அதை படமாக பார்க்க வேண்டுமென்றால் ஹாலிவுட் நாடிச்செல்லவேண்டும். ஷங்கர் 2.0,எந்திரன் கொடுத்தார். அதை உச்ச நடிகர்களை வைத்துக் கொடுத்தார்.
24 ஏஎம் நிறுவனம் சார்பில் எச்.டி.ராஜா அறிவியல் புனை கதையை தர முடிவு செய்து முன்னணி நடிகர் சிவகார்த்திகேயனை ஒப்பந்தம் செய்து படத்தை முக்கால்வாசி படத்தை முடித்து விட்டார்கள்.இயக்குநர் ரவிகுமார் வேற்றுக்கிரகவாசியுடன் சிவகார்த்திகேயன் இருப்பது போன்ற முதல் படத்தை வெளியிட்டு அவரது ரசிகர்களுக்கு மட்டுமில்லாமல் மொத்த திரைப்பட ரசிகர்களையும் வியப்பில் ஆழ்த்தியிருக்கிறார்.
இந்த படத்தில் ரகுல் பிரீத் சிங் நாயகியாக நடிக்கிறார்.அப்படியென்றால் கண்களுக்கு இதமான சுகத்தை நாயகனுடன் இணைந்து கொடுக்கப்போகிறார் என்பது சொல்லித் தெரிய வேண்டியதில்லை.
யோகிபாபு,கருணாகரன் டைமிங் காமடி சென்ஸ் உள்ளவர்கள். சிவகார்த்திகேயனுக்கு சரியான கைத்தடிகள்.
இப்படத்தை கே.ஜெ.ஆர்.ஸ்டுடியோஸ் கொட்டப்பாடி ஜெ.ராஜேஷ்தான் வெளியிடுகிறார் .இசைப்புயல் ரகுமான் அறிமுகப்பாடலை பாட ,நீரவ்ஷா எடிட்டர் ரூபன் இணைந்து ‘அயலான் படத்துக்கு எனர்ஜி ஏற்றுகிறார்கள்.
