கார்த்திக் சுப்புராஜ் இயக்கத்தில், தனுஷ் நடித்துள்ள திரைப்படம் ஜகமே தந்திரம். இப்படத்தில் ஐஸ்வர்யா லட்சுமி , கலையரசன், ஜார்ஜ், ஹாலிவுட் நடிகர் ஜேம்ஸ் காஸ்மோ ஆகியோர் நடித்துள்ளனர்.
கடந்த மே 1ந்தேதி வெளியாகியிருக்க வேண்டிய இத்திரைப்படம் கொரோனா வைரஸ் காரணமாக தள்ளிப்போனது.
தற்போது ஜகமே தந்திரம் படத்தின் வெளியீடு குறித்து தகவல் வெளியாகியுள்ளது.. இத்திரைப்படத்தை ஓடிடி தளத்தில் வெளியிட நாயகன் தனுஷ் சம்மதித்து விட்டதாகவும், தயாரிப்பாளர் நஷ்டமடைய கூடாது என அவர் இந்த முடிவை எடுத்திருப்பதாகவும் செய்திகள் வெளியாகின.
இது குறித்து தனுஷின் தரப்பு என்ன சொல்கிறார்கள்.
“இது முற்றிலும் ஒரு பொய்யான செய்தி. ஜகமே தந்திரம் படத்தை இப்போது ‘ஓடிடி’யில் வெளியாக உள்ளதாக கூறப்படுவது எல்லாம் வதந்தி” என்கிறார்கள். இயக்குநரும் இதைத்தான் சொல்கிறார் .
. ஆனால் இன்னொரு தரப்போ தனுஷ் பிறந்தநாளில் ‘ஜகமே தந்திரம்’ ஓடிடி தளத்தில் வெளியாவது குறித்த அறிவிப்பு கண்டிப்பாக வெளியாகி விடும் என்கிறது .
இது குறித்து தயாரிப்பு தரப்பில் இருந்து அதிகாரபூர்வ அறிவிப்பு எதுவும் இதுவரை வெளியாக வில்லை.
