தேவா கிரியேஷன்ஸ் மற்றும் நவகிரஹா சினி ஆர்ட்ஸ் ஆகிய பட நிறுவனங்கள் இணைந்து தயாரித்துள்ள புதிய படம் ” மாயமாளிகை “இப்படத்தின் கதை, திரைக்கதை எழுதி,இயக்கி கதாநாயகனாக நடிக்கிறார் கே.என்.பைஜூ.
கதாநாயகிகளாக இரண்டு புதுமுகங்கள். முக்கிய கதாபாத்திரங்களில் ரியாஸ்கான், கேசவ தேவ், கஞ்சா கருப்பு, சம்பத்ராம், முத்துக்காளை உள்பட ஏராளமான நட்சத்திரங்கள் நடிக்கிறார்கள்.
இப்படம் குறித்து நாயகனும், இயக்குனருமான கே.என்.பைஜூ கூறியதாவது…
“காதல், காமெடி, கலந்த ஹாரர் படம். திருமணமான நாயகன், நாயகி இருவரும் தேனிலவுக்கு மலை பிரதேசத்தில் தங்களுக்கு சொந்தமான 10 ஏக்கரில் உள்ள பங்களாவிற்கு செல்கிறார்கள்.
அங்கே போனவுடன் சில திடுக்கிடும் சம்பவங்கள் நடக்கின்றன.
அங்கே இருக்கும் பேய், அந்த தம்பதிகளிடம் 40 வருடங்களுக்கு முன்பு நடந்த ஒரு உண்மைச் சம்பவத்தை சொல்கிறது. அந்த சம்பவத்திற்கும் இவர்களுக்கும் என்ன தொடர்பு என்பதே படத்தின் திரைக்கதை.முதல் பாதி முழுக்க முழுக்க காமெடி கலாட்டாவாகவும், இரண்டாவது பாதி காதல் கலந்த ஹாரராகவும் இருக்கும்.
. முதன் முறையாக ரியாஸ்கான் இந்த படத்தில் பக்கா காமெடியனாக நடித்திருக்கிறாராம். முழுக்க முழுக்க பங்களாவிற்குள்ளேயே நடக்கும் கதை இது.என்கிறார்.அஜெய் ஸரிகமா இசையமைத்து வருகிறார்.
