லோகேஷ் கனகராஜ் இயக்கத்தில் விஜய், விஜய்சேதுபதி ஆகியோர் முதன் முறையாக இணைந்து நடித்துள்ள படம். ‘மாஸ்டர்’.
இப்படத்தை கடந்த ஏப்ரல் மாதமே திரைக்கு வந்திருக்க வேண்டும் . ஆனால் கொரோனா ஊரடங்கு காரணமாக அது முடியாமல் போனது.
இந்நிலையில், அக்டோபர் 15-ம் தேதி முதல் திரையரங்குகளை திறக்க மத்திய அரசு அனுமதி வழங்கியிருந்தும் , மாநில அரசு அனுமதி வழங்கவில்லை. இதனால் மாஸ்டர் படத்தை 2021-ம் ஆண்டு பொங்கலுக்கு வெளியிடும் திட்டத்தில் படக்குழுவினர் இருப்பதாக கூறப்படுகிறது..
இதற்கிடையில் துப்பாக்கி, கத்தி, சர்கார் என அடுத்தடுத்து விஜயுடன் மூன்று படங்களில் இணைந்த ஏ.ஆர்.முருகதாஸ்,மீண்டும் நான்காவது முறையாக ‘தளபதி 65’என தற்காலிகமாக பெயரிடப்பட்டுள்ள படத்தை இயக்க இருப்பதாக தகவல்கள் வெளியாகின.
இந்நிலையில் ‘தளபதி 65’ படத்தில் இருந்து ஏ.ஆர்.முருகதாஸ் விலகி இருப்பதாக நம்பத்தகுந்த வட்டாரத்திலிருந்து தகவல்கள் வெளியாகி உள்ளது.. இதனால் ‘தளபதி 65’ படத்தின் இயக்குனர் யார்? என்பது குறித்த அதிகாரப்பூர்வ அறிவிப்பை அப்படத்தின் தயாரிப்பு நிறுவனம் விரைவில் வெளியிடலாம் என கூறப்படுகிறது.
