இந்த படத்தின் டைட்டிலை எப்படி சொல்லப்போகிறார்களோ தெரியவில்லை. பவ் ,,வவ் என்பதைத்தான் இப்படி இலக்கண சுத்தமாக எழுதியிருக்கிறார்கள்.
ஆதித்தனார் இருக்கிற காலத்தில் இப்படி எழுதியிருந்தால் ஒரு பிடி பிடித்திருப்பார் “மக்களுக்கு எப்படிய்யா உன் இலக்கணம் தெரியும்?” என்று கேட்டிருப்பார் .
நடிகை நமீதா முதன் முறையாக தயாரிக்கும் படத்தின் பெயர்தான் “பெளவ் வெளவ்” !படத்தின் படப்பிடிப்பு திருவனந்தபுரத்தில் நடைபெற்று வருகிறது. இந்த படத்தை தயாரிப்பதோடு படத்தில் முக்கிய கதாபாத்திரத்திலும் நடிக்கிறார் நமீதா.
படப்பிடிப்பு காட்டுப்பகுதியில் உள்ள ஒரு கிணற்றின் அருகில் நடந்து கொண்டிருந்த போது, நமீதாவின் மொபைல் தவறி கிணற்றுக்குள் விழுந்தது.
கிணற்றுக்குள் மொபைல் விழுவதைக் கண்டு பதட்டத்தில் அதைப் பிடிக்க முயற்சி செய்த நமீதாவும் கிணற்றுக்குள் விழுந்தார். ( யோவ்….கிணத்துக்கு என்னாச்சு ? )
இதைப் பார்த்துக் கொண்டிருந்த மக்கள் பதறிய போது, “கட் கட் சூப்பர்” என கை தட்டினர், இரட்டை இயக்குநர்கள் ஆர்.எல்.ரவி & மேத்யூ ஸ்கேரியா.
இந்த செய்தியை உண்மை என்று நம்பிய மக்கள் பெரும் பரபரப்பை கிளப்பி விட்டனர்.
இந்த பரபரப்பை தான் பி.ஆர்.ஓ.குமரேசன் செய்தியாக்கி அனுப்பியிருக்கிறார். இவரை மாதிரிதாங்க மத்த பி.ஆர்.ஓ.களும் ! செய்தியை பரபரப்பாக்குவதில் மன்னனுங்க.!
நமீதாஸ் புரொடக்சன்ஸ் மற்றும் எஸ் நாத் பிக்சர்ஸ் தயாரிப்பில் வேகமாக வளர்ந்து வரும் “பெளவ் வெளவ்” படத்தின் வசனம் மற்றும் பாடல்களை முருகன் மந்திரம் எழுதி இருக்கிறார். கிருஷ்ணா பி.ஏஸ். ஒளிப்பதிவு செய்கிறார். ரெஜிமோன் இசையமைக்கிறார். கலை இயக்கத்தை அனில் கும்பளா செய்திருக்கிறார்.
எஸ் நாத் ஃபிலிம்ஸ் சுபாஷ் மற்றும் நமீதாஸ் புரொடக்சன்ஸ் தயாரிக்கும் பெளவ் வெளவ் படத்தை ஆர் எல் ரவி – மேத்யூ ஸ்கேரியா ஃபிலிம் பேக்டரி இணைந்து தயாரிக்கிறது.
