“என்னய்யா நடக்குது கோலிவுட்ல. இந்த பக்கம் ஹரி நாடார் என்ட்ரி ,அந்த பக்கம் சரவணா ஸ்டோர்ஸ் அண்ணாச்சி பைட்டிங் .அப்படின்னா அஜித், விஜய்லாம் வீட்டுக்குள்ளேயே உட்கார்ந்திட வேண்டியதுதானா என்கிற அளவுக்கு அந்த ரெண்டு பெரும் கலக்குறாங்களே!” என்று யாரும் கவலைப்பட வேண்டியதில்லை.
மக்கள் தீர்ப்புதானே மகேசன் தீர்ப்புன்னு முன்னோர்கள் சொல்லிருக்காங்க.
இப்ப சரவணா ஸ்டோர்ஸ் ஓனர் அருள் சரவணன் நடிக்கிற படத்தின் சண்டைக்காட்சிகள் படமாகின்றன . ரவுடிகளை அடித்து நொறுக்குகிற மாதிரியான புகைப்படங்கள் இணையத்தில் வருகின்றன.படத்தை பார்த்தாலே சண்டைக்காட்சியில் உண்மைத்தன்மை தெரியுதே ராஜா!
இத படத்தை இயக்கிவருகிறவர்கள் விளம்பர படங்கள் எடுப்பதில் கில்லாடிகளான ஜேடி ,ஜெரி இரட்டையர்.
கதாநாயகியாக நடிகை கீர்த்திகா திவாரி அறிமுகமாகிறார். பிரபு, , நாசர், தம்பி ராமையா, காளி வெங்கட், கோவை சரளா உள்ளிட்ட பலர் நடிக்கின்றனர். இப்படத்திற்கு ஹாரிஸ் ஜெயராஜ் இசையமைக்கிறார். வேல்ராஜ் ஒளிப்பதிவு செய்கிறார். 2019-ம் ஆண்டே துவங்கப்பட்ட இப்படம் கொரோனா காரணமாக முடங்கியது. தற்போது முழுவீச்சில் நடந்து வருகிறது.
அனலரசு ஸ்டண்ட் இயக்குனராக பணியாற்றுகிறார். சண்டைக் காட்சிகளின் இறுதி வடிவத்தைப் பார்த்த அருள் மிகவும் அருமையாக வந்திருப்பதாக அனலரசுவை பாராட்டினாராம்..வேற வினையே வேணாம்.!
