“காகித கப்பலுக்கு கதாநாயகனாகிய அப்புக்குட்டி!

எவர் கிரீன் மூவி இண்டர்நேஷனல் படநிறுவனம் சார்பில் வி.ஏ.துரை தயாரித்து வரும் புதிய படம்
“காகித கப்பல்” இதில் கதையின் நாயகனாக : சிவபாலன் என்கிற அப்புக்குட்டிநடிக்க,கதாநாயகியாக தில்லிஜா அறிமுகமாகிறார்.இவர்களுடன்,“பவர் ஸ்டார் “.சீனிவாசன்,பரோட்டா முருகேசன்,எலி ராஜன்,வெண்ணிலா கபடி குழு” ரமேஷ் மாணிக்கம், பூனை சூப் பாபு, மற்றும் பழம்பெரும் நடிகை ரத்னாவின் மகள் சுஜாதா நாயகியின் அம்மாவாக நடிக்கிறார். இப்படத்தின்,கதை ,திரைக்கதை எழுதி இயக்கி வரும் சிவராமன்.எஸ்.கூறியதாவது,
“9 வயதிலிருந்து குப்பை சேகரித்து உழைப்பால் உயர்ந்தவன், நேர்மையான உழைப்பு மற்றும் சேமிப்பை குறிக்கோளாக வைத்து வாழ்பவன் கதையின் நாயகன். படித்த பெண்மணி இந்த கதையின் நாயகனின் வாழ்க்கையில் குறுக்கிடுகிறாள். ஒரு நிர்பந்தத்தின் காரணத்தினால் இருவரும் மணம் முடிக்கின்றனர். படிக்காதவன் படித்தவளாக இருந்தும் தரமான வாழ்க்கை வாழ்ந்து வந்தனர். கதாநாயகியின் ஒரே ஒரு ஆசையால் அவர்களது வாழ்க்கை எப்படி “காகித கப்பல்” ஆனது. என்பதே இதன் சுவாரசியமான,பரபரப்பான கமர்ஷியல் திரைப்படமாக்கப்பட்டு வருகிறது என்கிறார்.இப்படத்தின் ஒளிப்பதிவை,வெங்கட் கவனிக்க, பிரசன்னா இசையமைத்து வருகிறார்