ஜி ஸ்டுடியோஸ் ஷாலினி ஆர்ட்ஸ் ஜாக் மஞ்சுநாத் தயாரிப்பில், அலங்கார பாண்டியன் இணை தயாரிப்பில் உருவாகியுள்ள திரைப்படம் விக்ராந்த் ரோணா.
அனுப் பண்டாரி இயக்கியுள்ள இப்படத்தில், பாட்ஷா கிச்சா சுதீப், ஜாக்குலின் பெர்னாண்டஸ், நிரூப் பண்டாரி மற்றும் நீதா அசோக் உள்பட பலர் நடித்துள்ளனர்.
பான் வேர்ல்ட் 3-D ஃபேண்டஸி திரைப்படமாக உருவாகியுள்ள“விக்ராந்த் ரோணா”ஜுலை 28 ஆம் தேதி தமிழ், கன்னடம், தெலுங்கு, மலையாளம், இந்தி மற்றும் ஆங்கிலம் மொழிகளில் வெளியாகிறது. இது தொடர்பாக நடிகர் ஷாம் மற்றும் தயாரிப்பாளர் டி .ஜி.தியாகராஜன் மற்றும் படக்குழுவினர் செய்தியாளர்களை சந்தித்தனர்.
இந்நிகழ்வினில் நடிகர் கிச்சா சுதீப் பேசியதாவது,
“நான் சினிமாவை நம்புகிறேன் சினிமாவை தான் காதலிக்கிறேன். அது தான் எங்களை இங்கு வரை அழைத்து வந்துள்ளது. இது ஒரு நல்ல படைப்பு, இந்தப்படத்தில் நானும் இருப்பது எனக்கு பெருமையாக உள்ளது. தமிழில் நல்ல வாய்ப்புகள் வரும்போது அழைக்கும்போது நடிப்பேன். இந்தப்படம் உங்கள் அனைவரையும் புது உலகிற்கு கூட்டிச்செல்லும்” இவ்வாறு அவர் பேசினார்.
