லெஜண்ட் என்கிற சிறப்புப்பெயர் மக்கள் திலகம் ,நடிகர் திலகம் ,உலகநாயகன் ,சூப்பர் ஸ்டார் ஆகிய இவர்களுக்குக் கூட வைக்கல.
ஆனா ஒரு படம் கூட நடிச்சதில்லை .இப்பத்தான் ஒரு படம் .அதுக்கு பெயரே தி லெஜண்ட்! .நடிச்ச சரவணனுக்கும் லெஜண்ட் என்கிற பட்டப்பெயர்.
விளம்பரப் படங்களை எடுக்கிற ஜெடி -ஜெரி இயக்கம். ஹாரிஸ் ஜெயராஜ் மியூசிக் .
சரவணா ஸ்டோர் அண்ணாச்சியின் படம் .கோடிகளை கொட்டி எடுத்திருக்கிறார்கள். ஆக்சன் படம்.புல் மேக்கப்பில் பார்த்தால் மைதா மாவு பிகர் மாதிரி. இதுவும் அவரது வெற்றிக்கு காரணமாக அமையலாம் என்கிறார்கள்.தமன்னா மாதிரியான நிறம் .மேக்கப் தான்சார்.!
இப்படத்தின் டிரைலர், ‘மொசலோ மொசலு’ ‘வாடிவாசல்’ பாடல் ஆகியவை பல மில்லியன் பார்வைகளை கடந்துள்ள நிலையில், சமீபத்தில் வெளியான ‘பொ பொ பொ’ பாடல் நல்ல வரவேற்பை பெற்றுள்ளது. இதெல்லாம் எப்படி இவருக்கு நடக்கிறது என்பது மில்லியன் டாலர் கேள்வி.!
எமோஷன், ஆக்ஷன், காதல், காமெடி என அனைத்தும் ஒருங்கிணைந்து சிறுவர்கள் முதல் பெரியவர்கள் வரை அனைத்து மக்களும் மீண்டும் மீண்டும் படம் பார்க்கும் வகையில், சினிமா பாணியில் சொல்வதென்றால் ரிபீட் ஆடியன்ஸை வரவழைக்கும் ஒரு பக்கா கமர்சியல் மாஸ் படமாக பான் இந்தியா அளவில் தமிழ், தெலுங்கு, ஹிந்தி, மலையாளம் மற்றும் கன்னடம் ஆகிய 5 மொழிகளில் மிகுந்த பொருட்செலவில் மிகப்பிரமாண்டமாக உருவாகியுள்ள இப்படம் ஜூலை 28 அன்று வெளியாகவுள்ளது.
இந்த படத்தை விநியோகம் செய்கிறவர் அன்புச் செழியன். பெரிய பைனான்சியர். தியேட்டர் ஓனர் என்கிற பன்முகம் இருக்கிறது.
இன்னொன்றையும் கேட்டால் அதிர்ச்சி அடைவீர்கள். தமிழகம் முழுவதும் 800 தியேட்டர்களில் படம் ரிலீஸ்.
தெலுங்கு உரிமை, ஸ்ரீ லட்சுமி மூவிஸ் திருப்பதி பிரசாத் – கே ஜி எப், ஆர் ஆர் ஆர், டான், 2.0, காலா ஆகிய படங்களின் தெலுங்கு விநியோகஸ்தர். ஸ்பைடர் மற்றும் காட்பாதர் படங்களின் தயாரிப்பாளர். விக்ரம் நடித்துள்ள கோப்ரா படத்தின் வெளியீட்டு உரிமையையும் இவர் பெற்றுள்ளார் என்பது குறிப்பிடத்தக்கது.
இந்தி விநியோகம், கணேஷ் ஃபிலிம்ஸ் நம்பிராஜன்- ரஜினி நடித்த சிவாஜி, ஏவி எம் தயாரிப்பில் வெளியான அநேக படங்கள், டான், செக்க சிவந்த வானம், ராவணன், மாஸ்டர் மற்றும் நானும் ரவுடி தான் ஆகிய படங்களின் வெளியீட்டாளர்.
வெளிநாட்டு உரிமை, ஏ பி இன்டர்நேஷனல் சஞ்சய் வாத்வா – கே ஜி எப், விக்ரம், சார்லி உள்ளிட்ட பல படங்களின் வெளிநாட்டு உரிமையை பெற்றவர். வெளிநாட்டு வெளியீட்டில் முதன்மையான நிறுவனம்.
மலையாளம் உரிமை, மேஜிக் ஃபிரேம்ஸ் லிஸ்டின் ஸ்டீபன்- கே ஜி எப், மாஸ்டர், பீஸ்ட் ஆகிய படங்களை வெளியிட்டுள்ளார். மேலும் சார்லி படத்தின் தயாரிப்பாளர்.
கன்னட உரிமை, ஃபைவ் ஸ்டார் செந்தில் – விக்ரம், டான், கோப்ரா ஆகிய படங்களின் வெளியீட்டு உரிமையை பெற்ற முன்னணி நிறுவனம்.
இதெல்லாம் எப்படி லெஜண்ட் சரவணனுக்கு சாத்தியம் ஆகியது.?
எல்லாம் அந்த செந்தூர் முருகனின் மகிமை!
*
