தமிழ்த்திரையுலகில் லட்சக்கணக்கான தொழிலாளர்கள் நலனுக்காக, நடிக்க வாங்க என நடிகர் அஜித்குமாருக்கு சமீபத்தில் விஜய் கட்சியில் தன்னை இணைந்து கொண்ட மன்சூர் அலிகான் வேண்டுகோள் விடுத்துள்ளார். இது குறித்து அவர் வெளியிட்டுள்ள பதிவில் கூறியுள்ளதாவது,”தங்களை அடையாளம் கண்டது சினிமா. கோடிக்கணக்கான ரசிகர்கள் உங்கள் நடிப்பில் உருவானதற்கு காரணம் சினிமா. விஜய் முதலமைச்சர் ஆகிவிட்டார். நீங்கள் ரேஸ், ரேஸ் என்று மிகவும் ரிஸ்க் ஆன, உயிரைப் பணயம் வைக்கும், கார் ரேஸ் தான் என தீவிரமாக உள்ளீர்கள். தயவு செய்து லட்சக்கணக்காண தொழிலாளர்களுக்கு வாழ்க்கை தரும் திரைத்துறையை கருத்தில் கொண்டு, ரசிகர்களையும் மகிழ்ச்சிப்படுத்த, 10 தயாரிப்பாளர்களை சேர்த்து தயாரிக்க வைத்து, உன்னத லட்சியத்திற்காக நடிக்க வாருங்கள் என்று இரு கரம் கூப்பி, இரு கரம் நீட்டி வரவேற்கிறேன்” என கூறியுள்ளார்.
