வெங்கட் பொயனபள்ளி, நிஹாரிகா என்டர்டெயின்மெண்ட் நிறுவனத்தின் சார்பில் தயாரிக்கும் புதிய படத்துக்கு சைந்தவ் என பெயரிடப்பட்டுள்ளது. பான் இந்திய படமாக உருவாகும் இப்படம் விக்டரி வெங்கடேஷின் 75-வது படமாகும் . இதில் ஆர்யா முக்கிய கதாபாத்திரத்தில் நடிக்கிறார். இவருடன் நவாசுதீன் சித்திக், ஷ்ரதா ஸ்ரீநாத், ருஹானி ஷர்மா, ஆண்ட்ரியா ஜெர்மியா, சாரா, ஜெயபிரகாஷ் உள்பட பலர் நடிக்கின்றனர்
சைலேஷ் கொலானு இயக்கும் இந்த படத்தின் கதை எட்டு முக்கிய நடிகர்களை சுற்றி நடக்கும் வகையில் அமைக்கப்பட்டு இருக்கிறது. இதில் ஏழு கதாபாத்திரங்கள் ஏற்கனவே அறிவிக்கப்பட்டுவிட்ட நிலையில், இன்று மற்றொரு மிக முக்கிய கதாபாத்திரம் அறிமுகம் செய்யப்பட்டது.
தமிழ் மற்றும் தெலுங்கு திரையுலகிலும் புகழ்பெற்ற நடிகராக வலம்வரும் ஆர்யா மிக முக்கிய கதாபாத்திரத்தில் நடிக்க இருக்கிறார். இந்த கதாபாத்திரத்தின் பெயர் மனாஸ். மெல்லிய தோற்றம், ஸ்டைலிஷ் லுக்கில் மிஷின் கன்னை கையில் வைத்துக் கொண்டிருக்கும் ஆர்யா, ஃபர்ஸ்ட் லுக் போஸ்டரிலேயே அனைவரையும் கவர்கிறார்.இந்த படத்திற்கு சந்தோஷ் நாராயணன் இசையமைக்க, எஸ்.மணிகண்டன் ஒளிப்பதிவு செய்து வருகிறார். இந்த படம் அனைத்து தென்னிந்திய மொழிகள் மற்றும் இந்தி மொழிகளில் கிறிஸ்துமஸ் பண்டிகையை ஒட்டி வரும் டிசம்பர் 22-ம் தேதி வெளியாகிறது.
எழுத்து – இயக்கம்: சைலேஷ் கொலானு
