அரசியல்வாதி எச். ராஜா நடித்த மெடிக்கல் த்ரில்லர் ‘செய் செய்யாதே’!

தமிழ் சினிமாவில் வெறும் பொழுதுபோக்குடன் மட்டும் நின்றுவிடாமல், சமூகத்திற்குத் தேவையான ஆழமான கருத்துகளைத் துணிச்சலாக எடுத்துரைக்கும் திரைப்படங்களுக்கு எப்போதுமே மக்கள் மத்தியில் ஒரு தனித்துவமான வரவேற்பு உண்டு. அந்த உன்னதமான வரிசையில், தற்போதைய மருத்துவ உலகின் மறுபக்கத்தை முற்றிலும் ஒரு மனிதநேயப் பார்வையோடு பதிவு செய்து, மருத்துவ விழிப்புணர்வு, குடும்ப உறவுகள் மற்றும் சமூகப் பொறுப்பை வலியுறுத்தும் புதிய சமூக விழிப்புணர்வு திரைப்படமாக உருவாகியுள்ளது ‘செய் செய்யாதே’. இத்திரைப்படத்தின் மூலம் இந்தியாவின் மூத்த மற்றும் மிகவும் அதிரடியான அரசியல் தலைவர்களில் ஒருவரான பாஜக-வின் எச். ராஜா அவர்கள் ஒரு முக்கியச் சிறப்புத் தோற்றத்தில் நடித்திருப்பது, ஒட்டுமொத்த கோலிவுட் மற்றும் அரசியல் வட்டாரத்தில் மிகப்பெரிய ஆச்சரியத்தையும் தனித்துவமான கவனத்தையும் ஈர்த்துள்ளது.

அரசியல் மேடைகளில் தனது அசாத்திய துணிச்சலான பேச்சுகளாலும், அதிரடியான கொள்கை விளக்க கருத்துகளாலும் எப்போதும் தமிழக அரசியலில் பெரும் பரபரப்பை ஏற்படுத்தி வரும் எச். ராஜா அவர்கள், முதன்முறையாகத் திரைத்துறையில் கால் பதித்துள்ளது இத்திரைப்படத்திற்குப் பெரும் எதிர்பார்ப்பையை ஏற்படுத்தியுள்ளது. கதையின் மிகவும் உணர்வுபூர்வமான மற்றும் முக்கியமான ஒரு கட்டத்தில் இடம்பெறும் அவரது கதாபாத்திரம், படத்தின் ஒட்டுமொத்தக் கருத்தையும் சமூக விழிப்புணர்வையும் மேலும் வலுப்படுத்தும் விதமாக மிக நேர்த்தியாக அமைந்துள்ளது என்று படக்குழுவினர் பெருமிதத்துடன் தெரிவித்துள்ளனர்.

எச். ராஜாவின் நிஜ வாழ்க்கை அரசியல் ஆளுமை போன்றே, திரையிலும் அவரது பங்களிப்பு மிகவும் பேசப்படும் ஒன்றாக இருக்கும் என எதிர்பார்க்கப்படுகிறது.இத்திரைப்படத்தை ஹரிணி சுப்பு சினி கிரியேஷன்ஸ் நிறுவனம் சார்பில் பிரம்மாண்டமான முறையில் தயாரித்துள்ளனர். அமெரிக்காவின் கலிபோர்னியாவைச் சேர்ந்தவரும், பி.எஸ்.சி. நர்சிங் பட்டதாரியுமான சுப்புலட்சுமி ஜெயராம் இத்திரைப்படத்தைப் புலம் பெயர்ந்த மண்ணில் இருந்தபடி தமிழ் சமூகத்தின் மீதுள்ள பற்றால் தயாரித்துள்ளார். மருத்துவத் துறையில் தனக்குள்ள நீண்டகால அனுபவத்தின் மூலம், இன்றைய சமூகத்திற்கு அத்தியாவசியமாகத் தேவைப்படும் பயனுள்ள சில மருத்துவக் கருத்துகளை, அனைத்து தரப்பு மக்களும் ரசிக்கும்படியான வணிக அம்சங்களுடன் இணைத்து ஒரு தரமான திரைப்படமாக வழங்க வேண்டும் என்ற உன்னத நோக்கத்துடன் அவர் இந்தத் துணிச்சலான தயாரிப்பு முயற்சியில் ஈடுபட்டுள்ளார்.

இத்திரைப்படத்தின் கதை, திரைக்கதை, வசனம் மற்றும் இயக்கத்தை நிஜ வாழ்க்கையில் ஒரு மருத்துவரும் திரைப்பட இயக்குநருமான டாக்டர் எஸ். ராஜா கவனித்துள்ளார். இந்தியா மற்றும் அமெரிக்கா ஆகிய இரு நாடுகளிலும் மருத்துவத் துறையில் பல ஆண்டுகள் பணியாற்றிய தனது அசாத்திய அனுபவத்தைத் திரைப்பட மொழியுடன் அழகாக இணைத்து, மருத்துவத்தின் உண்மையான முக்கியத்துவத்தைப் பொதுமக்கள் எளிதில் புரிந்து கொள்ளும் வகையில் சிந்திக்க வைக்கும் ஒரு சிறந்த படைப்பாக இத்திரைப்படத்தை அவர் உருவாக்கியுள்ளார்.

படத்தின் கதாநாயகனாக குரு விஜய், மருத்துவ விழிப்புணர்வு, மனிதநேயம் மற்றும் குடும்ப உறவுகளை மையமாகக் கொண்ட கதையின் முன்னணி கதாபாத்திரத்தில் நடித்து அசத்தியுள்ளார். உணர்வுகளும் பொறுப்புணர்வும் கலந்த அவரது இந்த முக்கியக் கதாபாத்திரம், திரைப்படத்தின் மையக் கருத்தை மிகவும் இயல்பான முறையில் முன்னோக்கி எடுத்துச் செல்கிறது.

இன்றைய நவீன சமூகத்தில் உடல்நலப் பிரச்சினைகளை அலட்சியமாக எடுத்துக் கொள்வது, மருத்துவரின் ஆலோசனையின்றி சுயமாக மருந்துகளைப் பயன்படுத்துவது, இணையத் தகவல்களை மட்டுமே முழுமையாக நம்பி ஆபத்தான மருத்துவ முடிவுகளை எடுப்பது, மற்றும் இளைஞர்கள் மத்தியில் போதைப்பொருள் மற்றும் மயக்க மருந்துகளின் தவறான பயன்பாடு போன்ற பல்வேறு தீவிரமான சவால்கள் நாளுக்கு நாள் அதிகரித்து வருகின்றன. இந்த அவசரக் காலப் பிரச்சினைகளை வெறும் மேடை அறிவுரைகளாகவோ அல்லது போதனைகளாகவோ கூறாமல், விறுவிறுப்பான மற்றும் சுவாரசியமான திரைக்கதையின் மூலம் மக்கள் மனதில் பதிய வைக்கும் ஒரு விழிப்புணர்வு முயற்சியாக ‘செய் செய்யாதே’ திரைப்படம் மிக நேர்த்தியாக உருவாகியுள்ளது.

மிக முக்கியமாக, இத்திரைப்படம் வெறும் மருத்துவர்களைப் பற்றிய கதை மட்டுமல்லாமல், ஒரு நோயாளியின் வாழ்க்கையைச் சுற்றி இயங்கும் முழு மருத்துவ அமைப்பின் அவசியமான முக்கியத்துவத்தை எடுத்துரைக்கும் ஒரு சமூகப் படைப்பாகவும் அமைகிறது. நோயாளி, மருத்துவர், செவிலியர், தூய்மைப் பணியாளர்கள், மருத்துவமனை நிர்வாகம் மற்றும் அரசு சுகாதார அமைப்பு என ஒவ்வொருவரின் கூட்டு பங்களிப்பும் ஒரு உன்னத உயிரைக் காப்பாற்றுவதில் எவ்வளவு முக்கியமானது என்பதை இப்படம் உணர்வுப்பூர்வமாகப் பதிவு செய்கிறது. மருத்துவம் என்பது வெறும் சிகிச்சை மட்டுமல்ல, அது மனிதநேயம், நம்பிக்கை, பொறுப்பு, மாறாத கருணை மற்றும் ஒரு சிறந்த குழு ஒருங்கிணைப்பின் வெளிப்பாடு என்பதையும் இத்திரைப்படம் ஆழமாக வலியுறுத்துகிறது.படத்தின் காட்சிகள் அனைத்தும் மிகவும் பிரம்மாண்டமாகவும் அதே சமயம் இயல்பாகவும் படமாக்கப்பட்டுள்ளன.

இத்திரைப்படம் திருநெல்வேலி, கொடைக்கானல், மதுரை மற்றும் அதனைச் சுற்றியுள்ள இயற்கை எழில் கொஞ்சும் தமிழ்நாட்டின் முதன்மையான வட்டாரங்களில் முழுவீச்சில் படமாக்கப்பட்டு தற்போது வெற்றிகரமாக நிறைவடைந்துள்ளது. மேலும், இத்திரைப்படம் ₹4 கோடி பட்ஜெட்டில் மிகத் தரமான தொழில்நுட்பக் கலைஞர்களின் பங்களிப்போடு பிரம்மாண்டமான முறையில் உருவாக்கப்பட்டுள்ளது. இப்படத்தின் மற்றொரு சுவாரசியமான திருப்பமாக, இயக்குநர் டாக்டர் எஸ். ராஜா இத்திரைப்படத்தில் கதாநாயகன் குரு விஜயின் தந்தையாகவும் ஒரு முக்கியக் கதாபாத்திரத்தில் தோன்றி நடித்துள்ளார். அவருக்குத் தாயாராகத் தர்ஷினி ரெட்டி நடித்துள்ள நிலையில், இத்திரைப்படத்தின் கதாநாயகிகளாக டபிதா குணரத்தினே மற்றும் மோனிகா ப்ரீத்தி வி ஆகிய இருவர் நடித்துள்ளனர்.

மேலும், குரு விஜயின் தங்கையாகக் குழந்தை நட்சத்திரம் பிரதீக்ஷா மனோ பிரஷாந்த் இக்கதையில் ஒரு முக்கியப் பங்களிப்பை வழங்கியுள்ளார். இத்திரைப்படத்தின் காட்சியமைப்புக்கு ஒளிப்பதிவாளர் ராம்நாடு வாசு பி தனது அசாத்திய கேமரா திறமையின் மூலம் படத்திற்குத் தேவையான ஒரு தனித்துவமான காட்சியழகை வழங்கியுள்ளார். மிக முக்கியமாக, ‘பருத்திவீரன்’ திரைப்படத்திற்காகத் தேசிய திரைப்பட விருது பெற்ற தமிழ் சினிமாவில் முன்னணிப் படத்தொகுப்பாளர் ராஜா முகமது இத்திரைப்படத்தின் படத்தொகுப்பு பணிகளை மிகவும் கிரிஸ்ப்பாக மேற்கொண்டுள்ளார். இத்திரைப்படத்திற்கான மக்கள் தொடர்பு பணிகளை சிவக்குமார் கவனித்து வருகிறார்.

படத்தின் காட்சிகளைப் பற்றி இதன் இயக்குநர் டாக்டர் எஸ். ராஜா கூறுகையில்,

“ஒரு மருத்துவராக நான் மருத்துவமனையில் பல மனிதர்களின் வாழ்க்கையையும், பல உணர்வுகளையும் என் கண்களால் நேரடியாகப் பார்த்திருக்கிறேன். அந்த நிஜ அனுபவங்களை வெறும் மருத்துவத் தகவல்களாகவும் புள்ளிவிவரங்களளாகவும் மட்டும் கூறாமல், மக்கள் மனதில் எளிதாகப் பதியும் வகையில் சினிமா என்ற வலிமையான ஊடகம் மூலம் சொல்ல வேண்டும் என்ற எண்ணம்தான் ‘செய் செய்யாதே’ திரைப்படத்தை என்னை உருவாக்கத் தூண்டியது. இந்த திரைப்படத்தைப் பார்த்துவிட்டு தியேட்டரை விட்டு வெளியே வரும் ஒவ்வொரு பார்வையாளரும் தங்களின் சொந்த ஆரோக்கியம், மனிதநேயம் மற்றும் சமூகப் பொறுப்பு குறித்துச் சிந்தித்தால், அதுவே இந்தப் படைப்பின் மிகப்பெரிய வெற்றியாக நான் கருதுகிறேன்” என்று நெகிழ்ச்சியுடன் குறிப்பிட்டார்.