இயக்குநர் சரண் இயக்கும் படத்தில்இணைந்துள்ளார் நடிகை நிகிஷா படேல். இப்படத்தின் தலைப்பு மார்க்கெட் ராஜா எம்.பி.பி.எஸ். ஆகும்.
“ரொம்பநாளா ஆளைக்காணோமே நிகிஷா?”
“நல்ல கேரக்டருக்காகத்தான் அந்த வெயிட்டிங். இப்ப இந்தபடத்தில் ஆரவ்வின் காதலி! ( ஓவியா இல்லையா?) மேலும் படத்தில் மிகவும் ஆதிக்கம் செலுத்தும் கதாபாத்திரம். ஏற்கனவே முதல் கட்ட படப்பிடிப்பு முடிந்து அடுத்த கட்ட படப்பிடிப்பிற்காக காத்துக்கொண்டு இருக்கிறேன்.
இயக்குநர் சரண் என்னை மிகவும் ஃபேஷனான கதாபாத்திரத்தில் வடிவமைத்துள்ளார். ஒளிப்பதிவாளர் கே.வி. குகன் தனது வேலையை அருமையாக செய்துள்ளார்.”என்கிறார். ( படம் வரட்டும் பார்த்திட்டு நாங்க சொல்றோம்.)
நிகிஷா படேல் தற்போது ஜி.வி. பிரகாஷ் குமார் நடித்து இயக்குநர் எழில் இயக்கும் திகில் படத்திலும் இணைந்துள்ளார். அந்த படத்தின் படப்பிடிப்பையும் முடித்துவிட்டார். . மேலும் இவர் நடித்த இரண்டு திரைப்படங்களின் அதிகாரப்பூர்வ அறிவிப்புக்காக காத்திருக்கிறார்.
