பொங்கலுக்கு வெளியாகியுள்ள ‘டார்லிங்’ படத்தில் இன்றைய இளைஞர்களை பிரதிபலிக்கும் வகையில் அமைந்துள்ள ஜி .வி .பிரகாஷின் நடிப்பு அவருக்கு ரசிகர்களிடையே அமோக ஆதரவை பெற்றுத் தந்துள்ளது.
ரசிகர்களின் ‘டார்லிங்’காய் வலம் வரும் ஜி .வி .பிரகாஷ் அறிமுக இயக்குனர் ஆதிக் ரவிச்சந்திரன் இயக்கத்தில் ‘திரிஷா இல்லனா நயன்தாரா’ படத்தில் ‘கயல்’ அனந்தியுடன் ஜோடி சேருகிறார். சமீபத்திய அறிமுகங்களில் மிக உன்னிப்பாக கவனிக்க படும் ஜி வி பிரகாஷ் குமாரும்,’கயல்’ கதாநாயகி ஆனந்தியும் இந்த படத்தில் இணைந்து இருப்பது இந்த படத்தின் மேல் எதிர்பார்ப்பை கூட வைக்கிறது. இப்படத்தின் பர்ஸ்ட் லுக் போஸ்டர் சமூக வலைதளங்களில் வெளியானது. அந்த படத்தில் உள்ள ஜி வி பிரகாஷ் குமாரின் வித்தியாசமான Get up பரவலாக பாராட்டுப் பெற்றது. வெளியான சிறிது நேரத்திலேயே அதிக நபர்களால் பகிரப்பட்டு ட்விட்டரில் டிரெண்டிங் ஆனது.
கேமியோ பட நிறுவனம் சார்பில் சி .ஜே . ஜெயகுமார் தயாரிக்கும் இப்படத்தின் படபிடிப்பு நேற்று துவங்கியது. “ஒரு அப்பாவி இளைஞனின் காதலும் அதில் நடக்கும் முக்கியமான சம்பவங்களே ‘திரிஷா இல்லனா நயன்தாரா’” படத்தின் சுவாரசியமான கதை என்கிறார் இயக்குனர் ஆதிக் ரவிச்சந்திரன்.
