கிராம மக்களுக்கு கிடா வெட்டி விருந்து வைத்த “ வெத்து வேட்டு ” படக்குழுவினர்.

விபின் மூவி பட நிறுவனம் சார்பாக எஸ்.குமார், A.ராமசாமி,D.சரவணமாணிக்கம், R.மூர்த்தி, A.லட்சுமணன் ஆகியோர் இணைந்து  தயாரிக்கும் படத்திற்கு “ வெத்து வேட்டு “ என்று பெயரிட்டுள்ளனர். ஹரீஷ் கதாநாயகனாக நடிக்க ,கதாநாயகியாக மாளவிகாமேனன் நடிக்கிறார்.இவர்களுடன் இளவரசு,கஞ்சாகருப்பு,ஆடுகளம்நரேன், மீராகிருஷ்ணா, சுஜாதா, தென்னவன், ஸ்ரீரஞ்சனி, பிளாக்பாண்டி, கோபால், மணி, மாக்கான், கிரேன்மனோகர், போண்டாமணி, வெங்கல்ராவ், சின்னசில்க் உமா,நந்தகுமார், கம்பம் மீனா, நாஞ்சில்சரண் ஆகியோர் நடிக்கிறார்கள்.இப்படத்தின் கதை,திரைக்கதை வசனம் எழுதி இயக்கி வரும் மணிபாரதி கூறியதாவது, கிராமத்து காதலை மிக யதார்த்தமாக இதில் பதிவு செய்திருக்கிறோம். ஜனரஞ்சகமான இளைஞர்களுக்கு பிடித்த காதல் படமாக இது இருக்கும். 70 சதவீதம் காமெடி,20 சதவீதம் காதல் மற்றும் குடும்பம் சென்டிமென்ட் கலந்து இந்த படத்தை உருவாக்கி இருக்கிறோம். இப்படத்தின்
பாடல் காட்சி ஒன்றுக்காக 10 நாட்களுக்கு 300 துணைநடிகர்கள் வரவழைக்கப் பட்டு பிரமாண்டமாக படமாக்கியுள்ளோம் கதாப்பாத்திரங்களுக்கு ஏற்ப, நடிகர்களை தேர்வு செய்து நடிக்க வைத்திருக்கிறோம். சென்சார் அதிகாரிகள் படத்திற்கு யு சர்டிபிகேட் கொடுத்து பாராட்டினர். இந்த படத்தின் கடைசி நாள் அன்று படப்பிடிப்பிற்கு உதவிய திருச்சி அருகில் உள்ள கோப்பு என்ற கிராம மக்கள் ஐநூறு பேருக்கு கிடா வெட்டி விருந்து வைத்தோம்
படப்பிடிப்பு திருச்சி, பொள்ளாச்சி, கேரளா பகுதிகளில் படமாக்கப்பட்டுள்ளது. படம் அடுத்த மாதம் திரைக்கு வர உள்ளது என்கிறார் . கலை  –  உமாசங்கர் , ஒளிப்பதிவு    –   காசி  .  யுகபாரதி பாடல்களுக்கு தாஜ்நூர் இசையமைக்கிறார்.நடனம்   –  தினா , ஸ்டன்ட்    –  ஆக்ஷன்பிரகாஷ்தயாரிப்பு மேற்பார்வை – A.V.பழனிச்சாமிஇணை தயாரிப்பு  –  A.லட்சுமணன்