ஜூனியர் என்டிஆருடன் இணைய விரும்பும் ஹாலிவுட் இயக்குனர்!
‘கார்டியன்ஸ் ஆஃப் தி கேலக்ஸி’ ஹாலிவுட் இயக்குநர் ஜேம்ஸ் கன், தெலுங்கு நடிகர் ஜூனியர் என்டிஆருடன் இணைந்து பணியாற்ற விரும்புவதாக கூறியுள்ளார்.மார்வெல் சினிமாடிக் யுனிவர்ஸின் கார்டியன்ஸ் ஆஃப் தி கேலக்ஸியின் மூன்றாவது மற்றும் இறுதிப் பகுதி வரும் மே 5 ஆம் தேதி திரையரங்குகளில் வெளியாக இருக்கிறது. இப்படம் உலக அளவிலான ரசிகர்களின் மத்திய பெரும் எதிர்பார்ப்பை ஏற்படுத்தியுள்ளது. இந்நிலையில் இப்படத்தின் புரமோஷன் நிகழ்ச்சி ஒன்றில் கலந்து கொண்ட இயக்குனர் ஜேம்ஸ் கன்னிடம், இந்திய செய்தியாளர்கள், ‘கார்டியன்ஸ் பிரபஞ்சத்தில்’ ஒரு இந்திய நடிகரை அறிமுகப்படுத்த முடிந்தால் அது யாராக இருக்கும் என கேள்வி எழுப்பினர். அதற்கு பதிலளித்த இயக்குநர், ‘ஆர் ஆர் ஆர் ‘ படத்தில் இருந்து, ஜூனியர் என்டிஆர் உடன் வேலை செய்ய விரும்புவதாகவும், அந்தப் படத்தில் அவர் அற்புதமாகவும் நேர்மறை தன்மையுடனும் இருந்தார்’ என்றும் தெரிவித்துள்ளார்.
‘கார்டியன்ஸ் பிரபஞ்சத்தில்’ஜூனியர் என்டிஆர்? ஹாலிவுட் இயக்குனரின் ஆசை!
