5ஈ கிரியேசன்ஸ் படநிறுவனம் சார்பில் சுஜன் சாமுவேல் ராய், ஹரிஷ் முத்தால செட்டி மற்றும் சமீர் அமர்தீன் ஆகியோர் தயாரிப்பில், சிறுவர்களை மையப்படுத்தி உருவாகும் இன்னும் பெயரிடப்படாத இந்தப்படத்தில் ஷாம் கதையின் நாயகனாக நடிக்க,
இவருடன் முக்கிய கதாபாத்திரங்களில் நடிகர்கள் ராதாரவி, சந்தானபாரதி, திரு குமரன்,அஜய், ஆஷிகா யாஷ், பெங்களூரு ஈஸ்வரி அம்மா, ஜாஸ்பர், மணிரத்னம், மானஸ்வி கொட்டாச்சி, விஷ்வநாதன் பிரபாகரன், ஆவடி லயன் செந்தில் அரசு, ஷிவானி ஹரிகுமார், ராக்ஸ்டார் கமலேஷ், ஆர்வன் வெற்றி இளங்கோ, முகுந்தன் மற்றும் நிஜய் என்ற திண்டுக்கல் நஷிர் உள்பட பலர் நடிக்கின்றனர்.
இப்படத்தின் கதை, திரைக்கதை வசனம் எழுதி இயக்குகிறார் எம்.பாரதி கணேஷ். இசைஞானி இளையராஜா இசையமைக்கும் இப்படத்தின் ஒளிப்பதிவை எம்.எஸ்.பிரபு கவனிக்க, படத்தொகுப்பை நாகூர் ராமச்சந்திரன் மேற்கொள்கிறார்.
இன்றைய 5ஜி ஜெனேரேஷன் காலகட்டத்தில் இருக்கும் குழந்தைகளின் மனநிலை, அறிவு, ஆற்றல் செயல்பாடுகள் மற்றும் இன்றைய சமூக சூழ்நிலைகள், வாழ்வியலின் பார்வை பற்றிய உணர்வுப்பூர்வமான கருத்தினை விளக்கும் ஒரு பதிவாக சென்னை சிட்டியில் நடக்கும் ஒரு நல்ல கதையம்சத்துடன் இந்தப்படம் தயாராகி வருகிறது.இப்படத்தின் படப்பிடிப்பு இளையராஜாவின் 80 வது பிறந்தநாளான நேற்று முதல் தொடங்கியுள்ளது.
