பழம்பெரும் நடிகரும் எழுத்தாளருமான சோ ராமசாமி (வயது 81) சென்னை ஆழ்வார்பேட்டையில் வசித்து வருகிறார் . அவர் கடந்த சில மாதங்களுக்கு முன்பு ஏற்பட்ட உடல் நலக்குறைவு காரணமாக மருத்துவமனையில் சிகிச்சை பெற்று திரும்பினார். கடந்த சில நாட்களாக சளித் தொல்லையால் அவதிப்பட்டு வந்ததாக கூறப்படுகிறது. இந்நிலையில் , நேற்று இரவு அவருக்கு கடும் மூச்சு திணறல் ஏற்பட்டது.இதையடுத்து அவர் உடனடியாக சென்னை ஆயிரம் விளக்கு பகுதியில் கிரீம்ஸ் சாலையில் உள்ள அப்பல்லோ ஆஸ்பத்திரியில், தீவிர சிகிச்சை பிரிவில் சேர்க்கப்பட்டார்.இன்று காலையிலும் மூச்சுத்திணறல் குறையவில்லை. எனவே அவரது உடல்நிலையை மருத்துவ நிபுணர்கள் பரிசோதித்து பல்வேறு ஆய்வுகள் நடத்தி, அவருக்கு உரிய சிகிச்சைகள் அளித்து கண்காணித்து வருகின்றனர் .
சோ.ராமசாமி மருத்துவமனையில் அனுமதி !
