டீம் பி. புரொடக்ஷன் ஹவுஸ் தயாரிப்பில்,பாலாஜி இயக்கத்தில்,,நகுல் கதாநாயகனாக நடிக்கும் புதிய படம், ‘ தி டார்க் ஹெவன்’ சஸ்பென்ஸ் திரில்லராக உருவாகும் இப்படத்தில்,ரேணு சௌந்தர் நாயகியாக நடிக்கிறார்.
இவர் கேரளத்து வரவு.எதிர்பாராத ஒரு பாத்திரத்தில் இலங்கையிலிருந்து ஒரு நடிகர் நடிக்கிறார். இவர்களுடன் சரண், கேசவன், ஜான் அலெக்ஸ், மனோஜ், ஆண்டனி பிரகன், டேனி தயால், ஆகியோர் முக்கிய கதாபாத்திரங்களில் நடிக்கின்றனர் இந்நிலையில் இப்படத்தின் டைட்டில் லுக்கை நடிகர்கள் சசிகுமார், பரத் ,சிபிராஜ் வெளியிட்டுள்ளனர்.
இப்படம் குறித்து இயக்குனர் பாலாஜி கூறுகையில்,”ஒரு கிராமத்தில் 25 ஆண்டுகளுக்கு ஒரு முறை மர்மமான முறையில் கொலை நடக்கிறது.அந்த கொலைகளுக்கிடையே உள்ள தொடர்ச்சியை யாரும் எண்ணிப் பார்க்கவில்லை. ஊரில் யாராவது அது பற்றிப் பேசும் போது மற்றவர்கள் அதை ஒரு கதை போல எண்ணி நம்பாமல் கடந்து போகிறார்கள்.அப்படி ஒரு கொலை நடக்கும் போது அங்கே இளம்பாரி என்கிற இன்ஸ்பெக்டர் பணிக்கு வருகிறார் .அவர் கொலைக்கான பின்னணியை ஆராய்கிறார் .
அதன் பின்னே ஒளிந்துள்ள மர்மங்களைத் தேடிப் பிடித்து ஆராய்கிறார். கொலைகளில் ஒளிந்துள்ள இருளைக் கண்டு அஞ்சாமல் புலனாய்வு என்கிற விளக்கைக் கொண்டு தீவிரமாகத் தேடுகிறார்.பல மர்ம முடிச்சுகள் அவிழ்கின்றன. இப்படி ஒரு சஸ்பென்ஸ் திரில்லராகச் செல்கிற கதை தான் தி டார்க் ஹெவன். என்கிறார்.
இப்படத்தின் ஒளிப்பதிவை மணிகண்டன் பி.கே.கவனிக்க, சக்தி பாலாஜி இசையமைக்கிறார். இப் படம் தமிழ், தெலுங்கு, ஆங்கிலம், இந்தி என்று பல மொழிகளில் உருவாகி வருகிறது.
