மணிரத்னத்தின் இயக்கத்தில், விஜய் சேதுபதி – சாய் பல்லவி நடிக்கும் ‘இஞ்சி வெல்லம்’ !

‘தக் லைப்’ படத்தை தொடர்ந்து இயக்குநர் மணிரத்னம் இயக்கும் புதிய பட அறிவிப்பு தற்போது வெளியாகியுள்ளது. இப்படத்தில் கதாநாயகனாக விஜய் சேதுபதி நடிக்க கதாநாயகியாக சாய் பல்லவி நடிக்கிறார். இப்படத்திற்கு ‘இஞ்சி வெல்லம்’ எனபெயரிடப்பட்டுள்ளதாக அறிவிக்கப்பட்டுள்ளது.

மணிரத்னத்தின் மெட்ராஸ் டாக்கீஸ் நிறுவனம், இப்படத்தின் ஃபர்ஸ்ட் லுக் போஸ்டரையும் மோஷன் போஸ்டரையும் அதிகாரப்பூர்வமாக வெளியிட் டுள்ளது.விஜய் சேதுபதி மற்றும் சாய் பல்லவி முதன்முறையாக ஜோடி சேர்ந்துள்ள இப்படம், முழுநீளக் காதல் கதை யாக உருவாகி வருகிறது.

‘செக்க சிவந்த வானம்’ படத்தை தொடர்ந்து விஜய் சேதுபதி மணிரத்னத்துடன் 2 வது முறையாக இப்படத்தின் மூலம் இணைகிறார்; சாய் பல்லவி இயக்குநர் மணிரத்னம் இயக்கத்தில் முதல்முறையாக இணைந்துள்ளார்.பி.சி.ஸ்ரீராம் இப்படத்திற்கு ஒளிப்பதிவு செய்கிறார். இசைப்புயல் ஏ.ஆர்.ரஹ்மான் இசையமைக்கிறார்.

இப்படத்தை லைகா புரொடக்ஷன்ஸ் , மெட்ராஸ் டாக்கீஸ் நிறுவனம் தயாரித்து வருகிறது. இப்படத்தின் சில முக்கியக் காட்சிகள் கொல்கத்தாவில் உள்ள ஹவுரா பாலம் உள்ளிட்ட இடங்களில் படமாக்கப்பட்டுள்ளதாகக் கூறப்படுகிறது.