தென்னிந்திய நடிகைகளில் முன்னணி நடிகையாக வலம்வரும் கீர்த்தி சுரேஷ் நடிப்பில் அடுத்து வெளியாகவுள்ள புதிய படம் சத்தியவான் சாவித்திரி. இயக்குனர் மிஷ்கின் , கீர்த்தி சுரேஷ் இருவரும் வழக்கறிஞர்களாக முக்கிய வேடத்தில் நடித்துள்ள இப்படத்தை அறிமுக இயக்குநர் பிரவீன் எஸ். விஜய் இயக்கியுள்ளார்.
ஒரு குற்ற வழக்கை மையப்படுத்தி நீதிமன்றத்தில் நடக்கும் பரபரப்பான சம்பவம் மற்றும் இரு வழக்கறிஞர்களின் வாதம் மற்றும் மோதல் ஆகிய பின்னணிகளுடன் சுவாரசியமான திரைக்கதையாக இப்படம் உருவாகியுள்ளது..
இப்படத்தில் பாலசரவணன், பாலாஜி சக்திவேல், ஆர். சுந்தர்ராஜன் உள்ளிட்ட பலர் நடித்துள்ளனர். சாம்.சிஎஸ் இசையமைக்கிறார்.இந்நிலையில் இப்படம் வருகிற ஜூலை 24ம் தேதி இப்படம் உலகமெங்கும் வெளியாகும் என படக்குழு அறிவித்துள்ளது.
