அகில் அக்கினேனியின் திரை வாழ்க்கையிலேயே மிகப்பெரிய பிளாக்பஸ்டர் மற்றும் மாபெரும் வசூல் சாதனை படைத்த ‘லெனின்’ திரைப்படம், தற்போது OTT உலகத்தை ஆளுகை செய்ய அதிகாரப்பூர்வமாக களமிறங்கியுள்ளது. திரையரங்குகளில் ரசிகர்களை அதிர வைத்த இந்த எனர்ஜிட்டிக் கிராமப்புற ஆக்ஷன் என்டர்டெய்னர் திரைப்படம், ஆகஸ்ட் 7 முதல் ZEE5 ஓடிடி தளத்தில் பிரத்யேகமாக ஸ்ட்ரீமிங் ஆகத் தொடங்கியுள்ளது. தெலுங்கு மட்டுமின்றி தமிழிலும் இந்த படம் பார்ப்பதற்கு கிடைப்பதால் தமிழ் சினிமா ரசிகர்களும் உச்சக்கட்ட குஷியில் உள்ளனர். இதன் மூலம், இந்த ஆண்டின் மிகப்பெரிய தெலுங்கு வெற்றிப் படங்களில் ஒன்றை, பார்வையாளர்கள் தங்கள் இல்லங்களிலிருந்தே மீண்டும் அனுபவிக்கும் வாய்ப்பைப் பெறுகின்றனர்.
ஆந்திரப் பிரதேசத்தின் கிராமப்புற பின்னணியில் அமைந்துள்ள ‘லெனின்’, அச்சமற்ற இளைஞன் ஒருவரின் கதையைச் சொல்கிறது. அவரது தனிப்பட்ட பயணம், பின்னர் அநீதிக்கு எதிரான மிகப்பெரிய போராட்டமாக மாறுகிறது. ஒரு உணர்ச்சிப்பூர்வமான காதல் கதையாகத் தொடங்கும் இந்த பயணம், குடும்ப பந்தங்கள், அதிகாரப் போட்டிகள் மற்றும் தன் மக்களை பாதுகாக்கும் உறுதியை மையமாகக் கொண்ட தீவிரமான மோதலாக விரிகிறது.
அதிரடி, உணர்ச்சி, காதல், நகைச்சுவை மற்றும் வலுவான வணிகத் திரைப்பட அம்சங்களை ஒருங்கிணைக்கும் இப்படம், அனைத்து வயதினரையும் கவரும் முழுமையான திரை அனுபவத்தை வழங்குகிறது. முரளி கிஷோர் அப்பூரு இயக்கியுள்ள இத்திரைப்படத்தில், அகில் அக்கினேனி தனது திரை வாழ்க்கையை வரையறுக்கும் வகையிலான ஒரு கதாபாத்திரத்தில் நடித்துள்ளார். அவருடன் பாக்யஸ்ரீ போர்ஸே இணைந்து நடித்துள்ளார். தமன் எஸ். இசையமைத்துள்ள இப்படத்திற்கு லியோன் பிரிட்டோ ஒளிப்பதிவும், நவீன் நூலி படத்தொகுப்பும் செய்துள்ளனர்.
