தனியார் டிடிஎச் நிறுவன விளம்பரத்தில் கேபிள் டிவி ஆபரேட்டர்களை கேவலமாக சித்தரிப்பதாக கூறி நடிகர் தனுஷிற்கு எதிராக தமிழக கேபிள் டிவி ஆபரேட்டர்கள் போர்க்கொடி தூக்கியுள்ளனர்.இது தொடர்பாக தமிழக கேபிள் டிவி ஆபரேட்டர்கள் பொதுநலச் சங்கம் வெளியிட்டுள்ள அறிக்கையில், “பிரபல நடிகர் தனுஷ், தனியார் டிடிஎச் நிறுவன விளம்பரத்தில் கேபிள் டிவி ஆபரேட்டர்களை கொச்சைப்படுத்தி கேவலமாக சித்தரிக்கும் நடவடிக்கை கடுமையாக கண்டிக்கிறோம்.இந்த விளம்பர காட்சிகளை உடனடியாக தடை விதிக்க வேண்டும் . . கேபிள் டிவி ஆபரேட்டர்களை கொச்சைப்படுத்தி சித்தரிக்கும் நடவடிக்கை ஏற்கமுடியாது.இந்த காட்சியை ரத்து செய்து தமிழகம் முழுவதும் உள்ள பல்லாயிரக்கணக்கான கேபிள் டிவி ஆபரேட்டர்களிடம் பகிரங்கமாக மன்னிப்பு கேட்க வேண்டும்.தவறும் பட்சத்தில் பல்லாயிரக்கணக்கான கேபிள் டிவி ஆபரேட்டர்கள் அவருக்கு எதிராக போராட்டம் நடத்த நேரிடும் என்பதை இதன்மூலம் தெரிவித்துக் கொள்கிறோம் என கூறியுள்ளனர். மேலும் தனுஷ் மீது நடவடிக்கை எடுக்கக் கோரி தென்னிந்திய நடிகர் சங்கத்திலும் புகார் கொடுத்துள்ளனர். இது திரையுலகில் பெரும் பரபரப்பை ஏற்படுத்தியுள்ளது.
நடிகர் தனுஷ் மீது கேபிள் ஆபரேட்டர்கள் நடிகர் சங்கத்தில் புகார்!
