பெண்களை மையப்படுத்தி எடுக்கப்பட்டுள்ள படம்தான் சகி .
கீர்த்தி சுரேஷ் நடித்துள்ள இந்த படத்தை ஒர்த் எ ஷாட் மோஷன் ஆர்ட்ஸ் பட நிறுவனம் சார்பில் சுதிர்சந்திரா பதிரி தயாரித்திருக்கிறார்
முழுக்க பெண்கள் நிறைந்த குழு என்ற பெருமை இந்தத் திரைப்படத்துக்கு இருக்கிறது. நாகேஷ் குக்குனூர் இயக்கத்தில் உருவாகியுள்ள இப்படம்,தமிழ், தெலுங்கு, மற்றும் மலையாளம் ஆகிய மொழிகளில் ஒரே நேரத்தில் எடுக்கப்பட்டுள்ளது.
சமீபத்தில் வெளியாகியுள்ள இப்பட போஸ்டரில்,உற்சாகமாக நடனமாடும் கிராமத்துப் பெண்ணாக கீர்த்தி சுரேஷ் போஸ்டரில் தோற்றமளிக்கிறார்.
சுதந்திர தின சிறப்பு வெளியீடாக இப்படத்தின் டீசர் இன்று காலை வெளியாகியுள்ளது.
விளையாட்டு, காதல், நகைச்சுவைப் பின்னணியில் உருவாகியுள்ள இந்த படத்தில் ஆதி பினிஷெட்டி மற்றும் ஜகபதி பாபு ஆகியோர் முக்கியக் கதாபாத்திரங்களில் நடித்துள்ளனர்.
கீர்த்தி சுரேஷ் துப்பாக்கிச் சுடும் வீராங்கனையாக நடிக்கிறார்.
தேவி ஸ்ரீ பிரசாத் இசையமைக்க, சிரந்தன் தாஸ் ஒளிப்பதிவு செய்கிறார்.படத்தின் பெரும்பாலான படப்பிடிப்பு நடத்தி முடிக்கப்பட்டு விட்டநிலையில் இன்னும் சில நாட்கள் மட்டுமே படப்பிடிப்புவேலைகள் மட்டுமே பாக்கியுள்ளதாம்.
