நடந்து முடிந்த தமிழக சட்டசபை தேர்தலில் திமுக கூட்டணி 159 இடங்களை பெற்றுள்ளது.
கூட்டணியில் காங்கிரஸ் கட்சி 18 இடங்களையும், இடதுசாரி கட்சிகள் தலா 2 இடங்களையும், மதிமு, விசிக தலா 4 இடங்களையும், மற்ற கூட்டணிக்கட்சிகள் 4 இடங்களையும் பெற்றுள்ளது. இதையடுத்து தமிழக முதல்வராக தனிப்பெரும்பான்மையுடன் பதவியேற்கவுள்ள திமுக தலைவர் மு.க.ஸ்டாலினுக்கு பல்வேறு அரசியல் கட்சித் தலைவர்கள், திரையுலக பிரபலங்கள் உள்பட பலரும் வாழ்த்து தெரிவித்து வருகிறார்கள்.
இந்நிலையில் நாளை (செவ்வாய்க் கிழமை) காலை அண்ணா அறிவாலயத்தில் தி.மு.க. எம்.எல்.ஏ.க்கள் கூட்டம் நடக்க உள்ளது.இக் கூட்டத்தில் வெற்றி பெற்ற எம்.எல். ஏ.க்கள் அனைவரும் திமுக தலைவர் மு.க.ஸ்டாலினை முதல்- அமைச்சராக ஒரு மனதாக தேர்ந்தெடுக்கிறார்கள்.
இதை தொடர்ந்து, மு.க.ஸ்டாலின் கவர்னர் மாளிகைக்கு சென்று அங்கு கவர்னர் பன்வாரிலால் புரோகித்தை சந்தித்து முதல்-அமைச்சராக தேர்ந்தெடுக்கப்பட்டதற்கான கடித்தை வழங்குகிறார்.
அப்போது எந்த தேதியில் மு.க ஸ் டாலின் தமிழக முதல்வராக பதவி ஏற்பது என்ற விவரம் அறிவிக்கப்படும்.
மு.க.ஸ்டாலின் வருகிற 7-ந் தேதி கிண்டி கவர்னர் மாளிகையில் எளிமையாக நடைபெறும் பதவி ஏற்பு விழா வில் முதல்-அமைச்சராக பதவி ஏற்பார் என்கிறது அறிவாலய வட்டாரம்.
