நடிகர் அர்ஜுனின் மூத்த மகள் நடிகை ஐஸ்வர்யா அர்ஜுன், நடிகர் தம்பி ராமையாவின் மகன் நடிகரும் இயக்குனருமான உமாபதியை திருமணம் செய்துகொள்ள உள்ளார்
மகாஜனங்களே’ என்ற படத்தின் மூலம் அறிமுகமான உமாபதி, ‘மணியார் குடும்பம்’, ‘திருமணம்’, ‘தண்ணி வண்டி’ படங்களில் நடித்துள்ளார்.
இப்போது தம்பிராமையா, சமுத்திரக்கனி நடிக்கும் ‘ராஜாக்கிளி’ படத்தை இயக்கியுள்ளார்.நீண்ட நாள் காதலர்களான இவர்களின் திருமணத்திற்கு இரு வீட்டாரும் சம்மதம் தெரிவித்துள்ள நிலையில் வரும் நவம்பர் மாதம் இவர்களது திருமண நிச்சயதார்த்தம் நடக்கிறது அதைத் தொடர்ந்து திருமண தேதி வெளியாகிறது.
இது குறித்து நடிகர் தம்பி ராமய்யாவிடம் கேட்ட போது, எனக்கே கொஞ்ச நாள் முன்பு தான் தெரியும். பிள்ளைங்க ஆசை பட்டுட்டாங்க .அவங்க ஆசையை நிறைவேத்தி வைக்கிறது தானே பெத்தவங்களோட கடமை. என் க குடும்பமும் அர்ஜுன் சார் குடும்பமும் அவர் கட்டியிருக்கும் ஆஞ்சநேயர் கோவில்ல வைத்து தான் பேசினோம்
அவருக்கும் உமாபதியை பிடிச்சு இருந்துச்சு. அவன் டீ டோட்டலர்னு தெரிஞ்சதும் அவருக்கு ரொம்பவே ஹாப்பி எங்களுக்கும் அர்ஜுன் சாரின் மகள் மற்றும் அவங்க குடும்பத்தின் எளிமை பழகும் விதம் மிகவும் பிடிவச்சு இருந்தது. வர்ற நவம்பர் மாதம் நிச்சயதார்த்தம் நடக்க உள்ளது அந்த நிகழ்ச்சியில் திருமண தேதியை முடிவு பண்ணுவோம் என்கிறார்.
