நீண்ட நாட்களுக்குப் பிறகு, மெகா ஸ்டார் சிரஞ்சீவி ஒரு பேண்டஸி திரைப்படத்தில் நடிக்கவுள்ளார், இப்படத்தை ‘பிம்பிசாரா’ இயக்குநர் வசிஷ்டா இயக்குகிறார்.
யுவி கிரியேஷன்ஸ் பட நிறுவனம் சார்பில், வி வம்சி கிருஷ்ணா ரெட்டி, பிரமோத் உப்பளபதி மற்றும் விக்ரம் ரெட்டி ஆகியோர் தயாரிக்கும் இப்படம், சிரஞ்சீவியின் கேரியரில் மிகப்பெரும் பொருட்செலவில் உருவாகும் அவரது 157 வது படமாக இருக்கும்.
சிரஞ்சீவியின் பிறந்தநாளை முன்னிட்டு அதிகாரப்பூர்வமாக அறிவிக்கப்பட்டுள்ள இப்படத்தின் அறிவிப்பு சுவரொட்டியில் பூமி, நீர், நெருப்பு, காற்று மற்றும் வானம் போன்ற பஞ்சபூதங்கள் (இயற்கையின் ஐந்து கூறுகள்) நட்சத்திர வடிவத்தில், திரிசூலத்துடன் கூடிய ஒரு பொருளில் சூழப்பட்டுள்ளது.
இப்படம் குறித்து இயக்குனர் வசிஷ்டா கூறுகையில்,”இப்படம் ரசிகர்களின் கற்பனைக்கு அப்பாற்பட்டதாக இருக்கும். தெலுங்குத் திரையுலகின் எவர்க்ரீன் கிளாசிக்களில் ஒன்றான ஜகதேக வீருடு அதிலோக சுந்தரி போன்ற மற்றொரு ஃபேன்டஸி என்டர்டெய்னரில் நடிகர் சிரஞ்சீவி யைப் பார்க்க ஆர்வமாக இருக்கும் ரசிகர்கள் இந்த அறிவிப்பால் கண்டிப்பாக மகிழ்ச்சி அடைவார்கள்.” என்கிறார்..
