இந்த வருட(2023 )இந்தியன் பனோரமாவின் 54வது உலக திரைப்படவிழாவில் ‘காதல் என்பது பொதுவுடமை’ என்கிற தமிழ்படம் தேர்வு செய்யப்பட்டுள்ளது.
நவம்பர் 20–28தேதியில்கோவாவில் நடக்கும் உலகதிரைப்பட விழாவில் இப்படம் திரையிடப்படுகிறது.இந்திய மொழிகளில் பங்குபெற்ற408 படங்களில் 25 படங்கள் தேர்வு செய்யப்பட்டுள்ளன. “காதல் என்பது பொதுவுடமை ” இது ஒரு நவீன காதல் கதை.
இன்றைய நவீன காலகட்டத்தில் மனிதர்களின் உணர்வுகள் , மனஓட்டங்கள், சமூக சூழல் மற்றும் விஞ்ஞானம் இவற்றுக்கு நடுவே மனிதர்களுக்குள் நவீனப்பட்டிருக்கும் காதலை வேறு ஒரு கோணத்தில் இந்த திரைப்படம் பேசுகிறது.
ஸ்ரீசரவணன் ஒளிப்பதிவு செய்துள்ள இப்படத்தை எழுதி இயக்கியவர் ஜெயபிரகாஷ்ராதாகிருஷ்ணன்.இவர் ‘லென்ஸ்” “மஸ்கிடோபிலாஷபி”,”தலைக்கூத்தல்”, ஆகிய படங்களின் இயக்குநர் ஆவார்.இந்த படத்தில் லிஜோமோல், ரோகிணி, வினீத் ,கலேஷ் ராமச்சந்திரன்,அனுஷா மற்றும் தீபா நடித்துள்ளனர்.கண்ணன் நாராயணன் இசையமைத்துள்ளார்
இப்படத்தை ‘தி கிரேட் இந்தியன் கிச்சன்’ இயக்குநர் ஜியோ பேபி வழங்க , மேன்கைன்ட்
சினிமாஸ், நித்திஸ் புரொடக்ஷன் மற்றும் சிம்மட்ரி சினிமாஸ் இணைந்து
தயாரித்துள்ளனர்.
