கடந்த சில நாட்களுக்கு இசையமைப்பாளர் ஏ.ஆர்.ரஹ்மானின் மனைவி சாய்ரா பானு ஒரு அறிக்கை வெளியிட்டார். அந்த அறிக்கையில் தானும், ரஹ்மானும் பிரிவதாக அறிவித்தார். இவரது அறிவிப்பை தொடர்நது ஏ.ஆர்.ரஹ்மானும் தனது எக்ஸ் தளத்தில் ‘எமோஷனலாக’ ட்வீட் போட்டு விவாகரத்தை உறுதி செய்தார். இது பலரையும் அதிர்ச்சியில் ஆழ்த்தியது. அதற்கு அடுத்த சில மணிநேரத்தில், ஏ.ஆர்.ரஹ்மானின் இசைக்குழுவில் பணியாற்றிய பெண் இசைக்கலைஞர் மோகனி டேவும் அவரது கணவரை விவாகரத்து செய்வதாக கூறினார்.இந்த பிரிவு விவகாரங்களை தொடர்ப்புப்படுத்தி, சமூகவலைதளங்களில் பல்வேறு அனுமானங்கள் பரவத் தொடங்கின. இதையடுத்து தனக்கு எதிரான தவறான செய்திகளை உடனடியாக நீக்குமாறு யூடியூபர்களுக்கு ஏ.ஆர்.ரஹ்மான் தனது வழக்கறிஞர் மூலம் நோட்டீஸ் அனுப்பினார். இதனை தொடர்ந்து, உலகிலேயே சிறந்த மனிதர் ஏ.ஆர்.ரஹ்மான் என்றும், அவர் குறித்து அவதூறு பரப்ப வேண்டாம் என்றும் சாய்ரா பானு ஆடியோ ஒன்றையும் வெளியிட்டார்.ஏ.ஆர். ரகுமானின் மகன் அமீனும் என் தந்தை மீது அவதூறு பரப்பாதீர்கள் என தனது வேதனையை வெளிப்படுத்தி இருந்தார்.
இந்நிலையில், அமெரிக்காவில் இருந்து வீடியோ வெளியிட்டுள்ள இசை கலைஞர் மோகினி டே, என் தந்தை போன்ற ஏ.ஆர்.ரகுமானுடன் தன்னை தொடர்புப்படுத்தி பேசுவது வருத்தம் அளிப்பதாக கூறியுள்ளார். இது குறித்து அவர் வெளியிட்டுள்ள வீடியோவில் கூறியுள்ளதாவது,‘எனக்கு பல ரோல் மாடல்கள் உள்ளனர். எனது வளர்ச்சியில் அவர்கள் முக்கிய பங்கு வகித்துள்ளார்கள். ஏ.ஆர்.ரகுமான் எனக்கு தந்தையைப் போன்றவர். அவர் மீது எனக்கு மிகுந்த மரியாதை உண்டு.அவரது மகளுக்கு எனது வயதுதான் இருக்கும் என்று நினைக்கிறேன். என் மீதும் ஏ.ஆர்.ரகுமான் அன்பும் மரியாதையும் வைத்துள்ளார். அவரது இசைக்குழுவில் 8 ஆண்டுகளுக்கும் மேலாக இருந்து வருகிறேன். என்னையும் அவரையும் இணைத்து வதந்திகள் வந்துள்ளன. அவை உண்மை கிடையாது. விவாகரத்து என்பது வலி தரக்கூடிய விஷயம். எனவே தனியுரிமையை மதிக்க வேண்டும்.
இந்த வதந்திகள் மிகவும் காயப்படுத்துகின்றன. எனவே கனிவாக நடந்து கொள்ளுங்கள்” என்று கூறியுள்ளார்.
ஏ.ஆர்.ரஹ்மான் விவகாரம்! வீடியோ வெளியிட்ட மோகினி டே!!
