கடந்த 2019 ல் பரத் நடிப்பில் வெளியாகி நல்ல வரவேற்பை பெற்ற ‘காளிதாஸ்’ படத்தை தொடர்ந்து அதன் இயக்குநரான ஸ்ரீ செந்தில் ‘காளிதாஸ் 2’ படத்தை இயக்கி வருகிறார்.இப்படத்தில் பரத், அஜய் கார்த்திக், பிரகாஷ் ராஜ், ‘ஆடுகளம்’ கிஷோர், சுரேஷ் மேனன், ஆனந்த் நாக், பவானி ஸ்ரீ , அபர்னதி, ராஜா ரவீந்தர், டி எம் கார்த்திக் உள்ளிட்ட பலர் நடித்துள்ளனர் இவர்களுடன் ‘பூவே உனக்காக’ சங்கீதா அழுத்தமான வேடத்தில் நடித்திருப்பதன் மூலம் தமிழ் சினிமாவிற்கு ரீ என்ட்ரி ஆகியிருக்கிறார். சுரேஷ் பாலா ஒளிப்பதிவு செய்திருக்கும் இப்படத்திற்கு சாம் சி. எஸ். இசையமைத்திருக்கிறார். கிரைம் திரில்லராக உருவாகும் இப்படத்தை பிரபல விநியோகஸ்தரும் , தயாரிப்பாளருமான ஃபைவ் ஸ்டார் செந்தில்,தனது ‘ஸ்கை பிக்சர்ஸ்’ நிறுவனம் சார்பில் தயாரித்துள்ளார். இப்படத்தின் படப்பிடிப்பு நிறைவடைந்து தற்போது படப்பிடிப்புக்கு பிந்தைய தொழில்நுட்ப பணிகள் இரவு பகலாக நடந்து வருகிறது. இந்நிலையில் இப்படத்தின் ஃபர்ஸ்ட் லுக் கை படக்குழு வெளியிட்டுள்ளது. இதில் கதை மாந்தர்களின் கதாபாத்திர தோற்றம்- பாரம்பரியத்தை கம்பீரமாக வெளிபடுத்தும் குடும்ப புகைப்படமாக வடிவமைக்கப்பட்டுள்ளது. இப்படம் குறித்து
இயக்குநர் பேசுகையில், ” ரசிகர்களிடம் வரவேற்பை பெற்ற காளிதாஸ் படத்தின் முதல் பாகத்தை தொடர்ந்து அதன் இரண்டாம் பாகம் தற்போது கிரைம் திரில்லராக உருவாகி இருக்கிறது. இப்படத்திற்காக சென்னை மற்றும் கேரளாவில் படபிடிப்பு நடைபெற்றது. இந்த திரைப்படம் ரசிகர்களுக்கு வித்தியாசமான திரையரங்க அனுபவத்தை வழங்கும்” என்றார்.இப்படத்தை வரும் கோடை விடுமுறையில் வெளியிட திட்டமிடப்பட்டு வருவதாக படக்குழுவினர் தெரிவித்துள்ளனர்.
‘காளிதாஸ் 2’ படத்தின் பர்ஸ்ட் லுக் வெளியானது!
