இயக்குனர்,இசையமைப்பாளர்,[பாடகர்,பாடலாசிரியர் என பன்முகங்களை கொண்ட கங்கை அமரனின் மூத்த மகன் நடிகர் வெங்கட் பிரபு தமிழ்திரையுலகில் முன்னணி இயக்குநர்களில் ஒருவராக உள்ளார். தற்போது விஜய் நடிப்பில் உருவாகி வரும், தி கிரேட்டஸ்ட் ஆப் ஆல் டைம்’ என்ற படத்தை இயக்கி வருகிறார்.
48 வயதாகும் இயக்குநர் வெங்கட் பிரபு கடந்த 2001ம் ஆண்டு ராஜலக்ஷ்மி என்பவரை திருமணம் செய்துக் கொண்டார். இந்த நட்சத்திர தம்பதியினருக்கு ஷிவானி என்ற மகள் உள்ளார். இளைய மகன் பிரேம்ஜி அமரன், கடந்த 2006-ம் ஆண்டு சிம்புவின் நடிப்பில் வெளியான வல்லவன் படத்தின் மூலம் நடிகராக அறிமுகமானார். தொடர்ந்து பாடகர், நடிகர், இசையமைப்பாளர் என பன்முகத்திறமையாளராக வலம் வருகிறார்.
தற்போது 44 வயதாகும் பிரேம்ஜி அமரன் இதுவரை திருமணம் செய்து கொள்ளாமல் இன்னும் முரட்டு சிங்கிளாகவே இருந்து வருகிறார்.ப இந்நிலையில், தன் திருமணம் குறித்து பிரேம்ஜியே ஒரு அப்டேட்டை கொடுத்துள்ளார்.
புத்தாண்டு அன்று ரசிகர்களுக்கு வாழ்த்து தெரிவித்த அவர், இந்த வருடம் கண்டிப்பாக திருமணம் செய்துகொள்வேன் என அறிவித்துள்ளார். ஆனால் பெண் யார் என்பது குறித்து அவர் எந்தவித தகவலையும் தெரிவிக்கவில்லை
.இந்நிலையில், கடந்த சில மாதங்களாக ஒரு பெண்ணை பிரேம்ஜி தீவிரமாக காதலித்து வருவதாகவும் அவரை தான் அவர் திருமணம் செய்துக் கொள்ளப் போவதாகவும் அவரது நெருங்கிய வட்டாரங்கள் தெரிவிக்கிறது.
