தேர்தலில் வெற்றி பெற்று தமிழ்நாட்டின் முதலமைச்சர் ஆக பதவி ஏற்க போகும் நடிகர் விஜய்க்கு ரசிகர்கள் மற்றும் சினிமா நட்சத்திரங்கள் வாழ்த்து மழை பொழிந்து வருகிறார்கள். இந்நிலையில் விஜய்யுடன் ‘பைரவா’, ‘சர்கார்’ உள்ளிட்ட படங்களில் நடித்துள்ள கீர்த்தி சுரேஷ் அவருக்கு விடுத்துள்ள வாழ்த்து செய்தியில்,”மக்கள் அன்பை மட்டும் பெற்று இந்த இடத்திற்கு வரவில்லை, வெறுப்பையும் சந்தித்து தான் வந்திருக்கீங்க. அவ்வளவு வெறுப்பை அவர்கள் காட்டிய போதும் நீங்கள் விட்டுக்கொடுக்கவில்லை. இது சுத்தமான கடின உழைப்பு, மக்கள் மீதான அர்ப்பணிப்பும் பேரார்வமும் தான். நான் முன்பே சொன்னது போல, நீங்க ஒரு எமோஷன், அதற்கு இந்த வெற்றி ஒரு சான்றாகும். இது ஒரு புது தொடக்கம்.ஜோசப் விஜய் சார், இது கஷ்டப்பட்டு பெற்ற வெற்றி. நீங்கள் அதற்கு முற்றிலும் தகுதி ஆனவர். தளபதி (உங்களை கடைசியாக இப்படி ஒருமுறை அழைக்கிறேன். இனி வேறு விதமாக அழைக்க வேண்டும்)”.என கூறியுள்ளார் முதல்வராக பதவியேற்க உள்ள தவெக தலைவர் விஜய்யை கடைசியாக ஒரு முறை ‘தளபதி’ என அழைப்பதாக கூறியுள்ளது இணையத்தில் வைரலாகி வருகிறது.
விஜய்க்கு, கீர்த்தி சுரேஷ் கொடுத்த வித்தியாசமான வாழ்த்து!
