பாலிவுட்டின் பிரம்மாண்ட இயக்குனர் சஞ்சய் லீலா பன்சாலி இயக்கத்தில் உருவாகி வரும் ‘லவ் & வார்’ (Love & War) திரைப்படத்தின் புதிய போஸ்டர்கள் இணையத்தில் வெளியாகி பெரும் புயலைக் கிளப்பியுள்ளன. இதில் இடம்பெற்றுள்ள ஆலியா பட்டின் கிளாமரஸ் தோற்றம், இதுவரை ரசிகர்கள் பார்த்திராத புதிய அவதாரத்தில் சஞ்சய் லீலா பன்சாலி காட்சிப்படுத்தியிருக்கிறார். திறமையான நடிகைகளில் ஒருவராகத் தன்னை நிலைநிறுத்தியுள்ள ஆலியா பட், இந்தப் பிரம்மாண்ட படைப்பில் முற்றிலும் மாறுபட்ட சவாலான கதாபாத்திரத்தை ஏற்று நடித்துள்ளார். குறிப்பாக, தேசிய விருது பெற்ற பிளாக்பஸ்டர் திரைப்படமான ‘கங்குபாய் கத்தியவாடி’ வெற்றிக்குப் பிறகு சஞ்சய் லீலா பன்சாலியுடன் ஆலியா பட் மீண்டும் இணைந்திருப்பதுதான் ரசிகர்களின் ஒட்டுமொத்த கவனத்தையும் ஈர்த்துள்ள முக்கிய அம்சமாகும்.
‘லவ் & வார்’ படத்தின் அறிவிப்பு மற்றும் முதல் போஸ்டர் வெளியானது முதலே, இது சமூக வலைதளங்களில் தொடர்ந்து பேசுபொருளாகவும் முதன்மை டிரெண்டிங்கிலும் இருந்து வருகிறது. படத்தில் முதன்மைக் கதாபாத்திரங்களில் நடிக்கும் ரன்பீர் கபூர் மற்றும் ஆலியா பட் ஆகியோரின் அடுத்தடுத்த லுக் போஸ்டர்கள் படத்தின் மீதான எதிர்பார்ப்பை மேலும் எகிற வைத்துள்ளன. வெளியாகும் ஒவ்வொரு போஸ்டரும் சஞ்சய் லீலா பன்சாலியின் பிரம்மாண்டமான திரை உலகின் ஒரு புதிய பரிமாணத்தை வெளிப்படுத்தி வருவதால், இந்தத் திரைப்படத்தில் இன்னும் என்னென்ன ஆச்சரியங்கள் காத்திருக்கின்றன என்ற ஆர்வம் சினிமா வட்டாரங்களில் எழுந்துள்ளது.
சஞ்சய் லீலா பன்சாலி இயக்கும் இந்தத் திரைப்படத்தில் ரன்பீர் கபூர், ஆலியா பட் மற்றும் விக்கி கௌஷல் ஆகியோர் முன்னணி கதாபாத்திரங்களில் இணைந்து நடித்து ஒரு முக்கோண காதல் கதையைத் திரையில் கொண்டு வரவுள்ளனர். இப்படம் 2027 ஜனவரி 21-ம் தேதி உலகம் முழுவதும் இந்தி, தமிழ் மற்றும் தெலுங்கு ஆகிய மொழிகளில் பிரம்மாண்டமாக வெளியாகிறது.
